Í áfanganum er fengist við ýmis konar verkefni sem miða að því að auka skilning og þjálfa vinnubrögð í eðlisfræði. Megináhersla áfangans er að veita góðan undirbúning fyrir nám á háskólastigi sem byggir á eðlisfræði svo sem nám í eðlisfræði eða verkfræði. Viðfangsefni geta verið breytileg en dæmi um þau eru: Þrýstingur; uppdrif; jafna Bernoulli um samband þrýstings og straumhraða sem skýrir m.a. flug.
Stutt kynning á verkfræði steypu og styrktarjárna í steypu.
Kynning á forsendum staðbindingar og orkuskömmtunar. Jafna Schrödingers skýrir stöðu og orku rafeinda í frumeindum. Tilviljunareðli geislavirkni. Óvissuregla Heisenbergs.
EÐLI2BB05 og æskilegt að nemendur hafi lokið STÆR3EE05 eða taki hann samhliða.
Nemandi skal hafa öðlast þekkingu og skilning á:
hverjar lausnir Schrödingerjöfnunar eru og hvernig þær gefa orkustig atóma
notkun tölva við lausn á verkefnum sem ekki er hægt að leysa með jöfnum
grunnatriði straumfræði
rafsegulfræði svo sem riðstraumur og span.
Nemandi skal hafa öðlast leikni í að:
leysa einfaldar diffurjöfnur og túlka lausnir þeirra miðað.
nota tölvuforrit til að leysa vandamál sem ekki er unnt að leysa með öðrum aðferðum.
leysa dæmi og verkefni sem tengjast straumfræði.
leysa dæmi og verkefni sem tengjast riðstraum og spani.
Nemandi skal geta hagnýtt þá almennu þekkingu og leikni sem hann hefur aflað sér til að:
skilja hvernig unnt er að nota stærðfræði til að leysa og túlka vandamál í eðlisfræði.
nota efni fyrri áfanga í eðlisfræði og stærðfræði við lausn verkefna.