Áfanginn fjallar um áhrif innrænna og útrænna ferla á yfirborð jarðar. Fjallað er um myndun og flokkun storkubergs, orsök jarðskjálfta og brotalínur, kvikumyndun, eldvirkni og eldstöðvar og mótun landslags af völdum útrænna afla. Umfjöllun tekur sérstakt mið af jarðfræði Íslands. Áhersla er á verklegar æfingar, inni og úti í náttúrunni.
JARÐ2AA05
Nemandi skal hafa öðlast þekkingu og skilning á:
Orsökum jarðskjálfta, gerð brotalína, skjálftabylgjum og skjálftakvörðum, jarðskjálftasvæðum á Íslandi og tengslum við flekahreyfingar
Orsökum kvikumyndunar og myndunarferlum kviku
Helstu storkubergstegundum á Íslandi, steindum og holufyllingum
Mismunandi gerðum hrauna og einkennum þeirra, myndun og einkennum hraunhella, myndun og einkennum bólstrabergs
Uppbyggingu eldstöðvakerfa á Íslandi og tengslum við flekahreyfingar
Helstu gerðum íslenskra eldstöðva og gosháttum þeirra
Upphleðslu móbergsfjalla, flokkun þeirra og sérstöðu
Helstu landmótunarferlum og einkennum landslagsins
Undirstöðuatriðum jarðfræðikortagerðar
Nemandi skal hafa öðlast leikni í að:
Fjalla um viðfangsefni áfangans á skilmerkilegan, faglegan og gagnrýninn máta, ýmist einn eða í hóp
Afla sér frekari þekkingar um náttúru Íslands í bókum, ritum og á netinu
Að leita raka í þekkingu sinni og gögnum fyrir staðhæfingum um náttúru Íslands
Greina innri og ytri einkenni storkubergs og steindir og bergtegundir til tegundar
Lesa úr jarðskjálftalínuritum, reikna fjarlægð að mæli, stærð skjálfta og greina brotlausn skjálfta
Greina hraun og eldstöðvar til tegundar eftir útlitseinkennum
Greina mismunandi stig í myndun móbergsfjalla
Greina megineldstöðvar í rofnum jarðlagastafla
Greina helstu einkenni landmótunar
Lesa úr og túlka upplýsingar á jarðfræðikorti, þverskurðarmyndum og í töflum
Vinna með fjölbreytileg gögn um eldvirkni á íslensku og ensku
Nemandi skal geta hagnýtt þá almennu þekkingu og leikni sem hann hefur aflað sér til að:
Greina jarðmyndanir úti í náttúrunni og álykta um myndun þeirra og gerð
Rita skýrt og skilmerkilega og af þekkingu um afmarkaða þætti í jarðfræði Íslands, myndun þeirra, eðli og form
Taka þátt í rökstuddri umræðu um sérstöðu íslenskra jarðmyndana á heimsvísu
Bæta við þekkingu sína með lestri fræðilegs texta bæði á íslensku og ensku
Byggja ofan á námið framhaldsþekkingu á efri þrepum jarðvísindakennslu
Áfanganum lýkur með lokaprófi. Einnig eru verkefni og áfangapróf metin til lokaeinkunnar.