Áfram er unnið að aukinni færni nemenda í lesskilningi, tali, hlustun og ritun og fléttað er inn í kennsluna menningu spænskumælandi landa. Orðaforði er aukinn og ný málfræðiatriði þjálfuð.
SPÆN1AA05
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná markmiðum áfangans
framburði, áherslum og hljómfalli
flóknari atriðum málfræðinnar en áður
menningu spænskumælandi landa
Nemandi skal hafa öðlast leikni í að:
skilja talað mál þegar talað er hægt og skýrt um hversdagsleg málefni
skilja lykilatriði í stuttum textum, leiðbeiningar og fyrirmæli
taka þátt í einföldum samræðum og bjarga sér við hversdagslegar aðstæður
tjá sig á einfaldan hátt um líðan sína, tilfinningar og viðhorf
halda uppi samræðum, t.d. að spyrja og svara um hversdagslega hluti
skrifa stuttan texta, eins og t.d. persónuleg bréf, dagbók eða boðsbréf
beita flóknari málfræðireglum en áður
vinna sjálfstætt og með öðrum
Nemandi skal geta hagnýtt þá almennu þekkingu og leikni sem hann hefur aflað sér til að:
greina upplýsingar og draga ályktanir af því sem hann les eða heyrir
tjá sig um tiltekin málefni eða taka þátt í samræðum sem krefjast aukins orðaforða
tjá sig á viðeigandi hátt eftir aðstæðum, t.d. eftir því við hvern er talað og við hvaða aðstæður
koma ákveðnum atriðum á framfæri skriflega í mismunandi tegundum af textum
Námsmat samanstendur af mati á munnlegri og skriflegri færni, lesskilningi og hlustun.