Áfanginn spannar tímabilið frá endurreisn fram til um 1900. Meðal þess sem verður farið yfir er endurreisn, siðaskipti, landafundir, vísindabylting, einveldi, upplýsingin, franska byltingin og eftirköst hennar. Efnið tengt Íslandi eftir því sem tilefni er til.
SAGA2AA
Nemandi skal hafa öðlast þekkingu og skilning á:
helstu atburðum nýaldarsögu sem vísað er til í samtímanum
helstu hugtökum, kenningum, viðfangsefnum og aðferðum í nýaldarsögu
hlutverki og mikilvægi trúarbragða á nýöld
áhrifum kynhlutverka og stéttskiptingar á líf fólks á nýöld
meginstiklum í tækni-, vísinda- og atvinnuþróun nýaldar
meginstiklum í list og menningu á nýöld
mismunandi stjórnkerfum nýaldar, kostum þeirra og göllum
mikilvægi nýaldarsögu fyrir upplýsta samfélagslega umræðu og gagnrýna hugsun
mismunandi sjónarhornum á samfélagsleg gildi og siðferði á nýöld
Nemandi skal hafa öðlast leikni í að:
greina söguleg viðfangsefni á gagnrýninn hátt
rannsaka afmarkað sögulegt efni
setja fram söguleg viðfangsefni á skýran, aðgengilegan og fjölbreyttan hátt
skrifa texta sem byggja á ítarlegri heimildaöflun og úrvinnslu gagna
taka þátt í umræðum og verja rökstudda afstöðu sína
vinna að verkefnum með samnemendum
flytja framsögu um afmarkað sögulegt efni
Nemandi skal geta hagnýtt þá almennu þekkingu og leikni sem hann hefur aflað sér til að:
meta áhrif nýaldarsamfélaga á eigið samfélag og sjálfsmynd
meta umfjöllun um nýöldina í nútímamiðlum
taka frumkvæði í þekkingaröflun
taka siðferðislega afstöðu til siða og atburða nýaldar
taka þátt í málefnalegum umræðum og rökræðum um sögu og samfélög nýaldar
útskýra viðhorf nýaldarfólks til ýmissa málefna
Ástundun, ritgerð, fyrirlestur, verkefni, lokapróf eða lokaverkefni.