Áfanginn er kvikmyndaáfangi sem hefur að markmiði að auka skilning og færni nemenda í dönsku. Jafnframt því að læra danska kvikmyndasögu fá nemendur innsýn í danska menningu og sögu eins og hún birtist í dönskum kvikmyndum. Nemendur læra hvernig setja á kvikmyndagagnrýni fram og þurfa að beita þeirri þekkingu í eigin kvikmyndagagnrýni bæði munnlegri og skriflegri. Í áfanganum er gerð krafa um virkni og ábyrgð nemenda.
DANS2AA/AH05. Áfanginn er valáfangi á öllum brautum.
Nemandi skal hafa öðlast þekkingu og skilning á:
danskri kvikmyndasögu
danskri menningu og samfélagi og hvernig það birtist í kvikmyndum
hvernig setja skuli fram rökstudda kvikmyndagagnrýni
atburðum og persónum í danskri sögu eins og það birtast í kvikmyndum
mismunandi blæbrigðum í tungumálinu
Nemandi skal hafa öðlast leikni í að:
geta hlustað á og skilið almennt talað mál
skrifa kvikmyndagagnrýni á dönsku sem uppfyllir hefðbundnar kröfur
tjá sig munnlega án málhnökra
Nemandi skal geta hagnýtt þá almennu þekkingu og leikni sem hann hefur aflað sér til að:
hlusta á og miðla efni munnlega með viðeigandi orðaforða og framsetningu
skilja daglegt mál og skilja fræðilega texta að eigin vali og geta miðlað þeim munnlega