Fjallað er um upphaf og hugmyndafræði fasismans á Ítalíu og nasismans í Þýskalandi ásamt því að síðari heimsstyrjöldinni eru gerð skil í máli og myndum. Leitast er eftir því að dýpka skilning á því umhverfi sem nasisminn var sprottinn upp úr og hvers vegna tök hans urðu jafn sterk og raun ber vitni. Menning, stjórnarfar og samfélag Sovétríkjanna eru einnig tekin til skoðunar. Sérstaklega er horft til helfararinnar og örlaga þeirra gyðinga sem lentu í henni, liðnum sem eftirlifendum. Í því samhengi verður litið til sögu Póllands, austurhluta Þýskalands og forna gyðingaofsókna. Aðrir samfélagshópar sem létu lífið í gasklefum nasista eru líka teknir til skoðunar.
Nemandi skal hafa öðlast þekkingu og skilning á:
áhrifum kynhlutverka og stéttskiptingar á líf fólks í Evrópu og Þýskalandi
helstu atburðum seinni heimsstyrjaldarinnar sem vísað er til í samtímanum
helstu hugtökum og kenningum um síðari heimsstyrjöldina og helförina
hlutverki og mikilvægi trúarbragða í þýskri sögu
meginstiklum í tækni-, vísinda- og atvinnuþróun Þýskalands
mismunandi hugmyndum og framkvæmd á stjórnkerfi nasista og fasista
mismunandi sjónarhornum á samfélagsleg gildi og siðferði í nasískri- og fasískri hugmyndafræði örlögum og sögu gyðinga í Evrópu
Nemandi skal hafa öðlast leikni í að:
greina fjölbreytt orsakasamhengi
leita sér að gagnlegum heimildum
rannsaka afmörkuð söguleg efni
setja fram söguleg viðfangsefni á skýran, aðgengilegan og fjölbreyttan hátt
skrifa texta sem byggja á ítarlegri heimildaöflun og úrvinnslu gagna
sýna sjálfstæði og sköpun í verkefnavali og verkefnaúrlausnum
taka þátt í umræðum og verja rökstudda afstöðu sína
vinna að verkefnum með samnemendum
Nemandi skal geta hagnýtt þá almennu þekkingu og leikni sem hann hefur aflað sér til að:
lesa heimildir um seinni heimsstyrjöldina og helförina á gagnrýninn hátt
taka frumkvæði í þekkingaröflun og verkefnavali og nálgast þau á faglegan hátt
taka siðferðislega afstöðu til atburða í seinni heimsstyrjöldinni og helförinni
taka þátt í málefnalegum umræðum og rökræðum um seinni heimsstyrjöldina og helförina
útskýra mismunandi viðhorf og hugmyndir um ýmis málefni tengdu námsefni áfangans
Tímaverkefni, valverkefni með frjálsu sniði, framsaga,kaflapróf