Áfram er unnið með lesskilning, tal, hlustun og ritun, sem og ýmis þemu tengd þýskumælandi löndum. Nemendur auka enn við orðaforða sinn. Ný og eldri málfræðiatriði eru þjálfuð
ÞÝSK1BB05
Nemandi skal hafa öðlast þekkingu og skilning á:
þeim orðaforða sem tengist efni áfangans
góðum framburði, áherslum og hljómfalli tungumálsins
flóknari málfræðiatriðum en í fyrri áföngum
menningu þýskumælandi landa
Nemandi skal hafa öðlast leikni í að:
skilja talað mál, t.d. um almenn efni sem hann kannast við, sem og fyrirmæli kennara í kennslustofu
taka þátt í samræðum og tjá skoðun sína um hversdagsleg málefni og bjarga sér í ýmsum aðstæðum daglegs lífs, geta spurt og svarað spurningum
skilja lykilatriði í textum, smásögum og blaðagreinum með meiri orðaforða en áður
skrifa stuttan texta, eins og t.d. útdrátt úr bók, stutta umsögn um kvikmynd eða texta um mynd(ir)
nýta sér þá málfræði sem þjálfuð hefur verið
vinna sjálfstætt eða í hópi
Nemandi skal geta hagnýtt þá almennu þekkingu og leikni sem hann hefur aflað sér til að:
greina í auknum mæli upplýsingar úr textum eða því sem hann heyrir
tjá sig um flóknari hluti en áður
lesa í aðstæður og haga orðum sínum eftir því sem við á
koma frá sér flóknari textum en áður og um fjölbreyttari málefni
Skriflegt lokapróf er í áfanganum. Hluti af lokaeinkunn er annareinkunn. Inn í annareinkunn reiknast ýmis verkefni, hlutapróf, munnleg próf og hlustunarpróf sem tekin eru jafnt yfir önnina. Allir færniþættir eru metnir, þ.e. tal, hlustun, ritun og lesskilningur