Unnið er með alla færniþættina fjóra, tal, hlustun, lesskilning og ritun. Einnig er unnið með þemu tengd bókmenntum, kvikmyndum, auk sögu og menningu þýskumælandi landa. Nemendur öðlast aukinn orðaforða og mikil áhersla er lögð á rétta málnotkun
ÞÝSK1DD05
Nemandi skal hafa öðlast þekkingu og skilning á:
orðaforða tungumálsins, sem á þessu stigi er orðinn mjög umfangsmikill
góðum framburði, áherslum og hljómfalli tungumálsins
réttri málnotkun
menningu þýskumælandi landa
Nemandi skal hafa öðlast leikni í að:
skilja talað mál, bæði í kennslustofunni og í ýmsum miðlum, eins og t.d. í sjónvarpi, útvarpi og í kvikmyndum
geta bjargað sér vel á þýsku í ýmsum aðstæðum og tjáð skoðun sína á ýmsum málefnum, bæði í ræðu og riti
skilja texta, eins og t.d. blaðagreinar og skáldsögur / smásögur sem ekki eru sérstaklega ætlaðar nemendum
skrifa innihaldsríkan texta um ýmis málefni
nota tungumálið rétt
vinna fjölbreytt verkefni ýmist einn eða með öðrum
Nemandi skal geta hagnýtt þá almennu þekkingu og leikni sem hann hefur aflað sér til að:
greina og flokka upplýsingar úr textum eða því sem hann heyrir
tjá sig um hin ýmsu málefni við einn eða fleiri
bregðast við hinum ýmsu aðstæðum sem upp kunna að koma
skrifa lengri og flóknari texta um ýmis málefni en áður
Ekkert lokapróf er í áfanganum, en nemendur vinna verkefni jafnt og þétt yfir önnina. Verkefnin eru af ýmsum toga, þar sem unnið er með texta, kvikmyndir, blaðagreinar, fyrirlestrar fluttir og ritunarverkefni, svo eitthvað sé nefnt.