Unnið er með alla færniþættina fjóra: tal, hlustun, lesskilning og ritun. Einnig er unnið með þemu tengd bókmenntum, listum, kvikmyndum, auk sögu og menningar spænskumælandi landa. Enn fremur er unnið með það sem efst er á baugi hverju sinni og nýjungar í tungumálinu.
SPÆN1DD05
Nemandi skal hafa öðlast þekkingu og skilning á:
orðaforða tungumálsins, sem á þessu stigi er orðinn mjög umfangsmikill
réttri málnotkun
menningu spænskumælandi landa
Nemandi skal hafa öðlast leikni í að:
skilja talað mál, bæði í kennslustofunni og í ýmsum miðlum, eins og t.d. í sjónvarpi, útvarpi og í kvikmyndum
geta bjargað sér vel á spænsku í ýmsum aðstæðum og tjáð skoðun sína á ýmsum málefnum, bæði í ræðu og riti
skilja texta, eins og t.d. blaðagreinar og skáldsögur / smásögur / leikrit sem ekki eru sérstaklega ætlaðar nemendum
skrifa innihaldsríkan texta um ýmis málefni
Nemandi skal geta hagnýtt þá almennu þekkingu og leikni sem hann hefur aflað sér til að:
greina og flokka upplýsingar úr textum eða því sem hann heyrir
tjá sig um hin ýmsu málefni af öryggi
bregðast við hinum ýmsu aðstæðum sem upp kunna að koma
skrifa lengri og flóknari texta en áður
Ekkert lokapróf er í áfanganum, en nemendur vinna verkefni jafnt og þétt yfir önnina. Verkefnin eru af ýmsum toga, þar sem unnið er með texta, ljóð, kvikmyndir, sjónvarpsþætti, blaðagreinar og fréttasíður. Nemendur flytja fyrirlestra og kynningar, skrifa ritunarverkefni í tímum og heima, fara í munnleg próf, taka viðtöl og gera ljóðaþýðingar og -greiningar svo eitthvað sé nefnt.