Hér er lögð áhersla á samspil taugafræðilegra forsendna (heilastarfsemi) og sálarlífs. Meðal þess sem fjallað er um er starfsemi taugafrumna, bygging heilans og þróun hans og áhrif taugaboðefna á sálarlífið, m.a. í tengslum við geðraskanir og vímuefnanotkun. Einnig er fjallað um ólíka starfsemi heilahvelanna, skynjun og skynvillur, svefn og drauma, breytt vitundarstig og meðvitundarhugtakið.
SÁLF2AA05
Nemandi skal hafa öðlast þekkingu og skilning á:
helstu rannsóknarsviðum líffræðilegrar sálfræði, m.a. á sviði skynjunar, hugsunar, vitundar og svefns
uppbyggingu, þróun og starfsemi heilans og taugakerfisins
samspili taugafræðilegra ferla og sálarlífs
helstu rannsóknum á sérhæfingu heilahvelanna
áhrifum algengra vímuefna á starfsemi heilans og skynjun
tengslum heilastarfsemi og geðraskana
skynferli sjónar frá áreiti til lokatúlkunar
ólíkum þáttum sjónskynjunar t.d. litaskynjun, dýptarskynjun og skynvillum
sögu svefnrannsókna og gildi þeirra í sálfræðilegu tilliti
sálfræðilegum rannsóknum á draumum
Nemandi skal hafa öðlast leikni í að:
ræða um viðfangsefni líffræðilegrar sálfræði af þekkingu og skilningi
beita vísindalegri hugsun og vinnubrögðum
gera einfaldar tilraunir á sviði líffræðilegrar sálfræði
gera einfalda tölfræðilega útreikninga á sviði rannsókna í sálfræði
setja saman einfalda tilraunaskýrslu eftir reglum sálfræðinnar
afla sér fræðilegra upplýsinga á sviði líffræðilegrar sálfræði
tjá kunnáttu sína í líffræðilegri sálfræði bæði í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
setja fram eigin rannsóknarniðurstöður á skipulegan og skýran hátt
meta eigin rannsóknarniðurstöður með gagnrýnum hætti og draga af þeim rökréttar ályktanir