Kynning á þroskasálfræði, hugtökum hennar og helstu álitamálum, t.d. hlut erfða og umhverfis við mótun mannlegra eiginleika. Fjallað er um þroskaferillinn frá getnaði fram á fullorðinsár. Lítillega er farið í sögulegan bakgrunn þroskasálfræðinnar og helstu rannsóknaraðferðir hennar. Nemendur fá innsýn í hver eru megineinkenni líkamsþroska, vitsmunaþroska, félags- og tilfinningaþroska. Farið er í tilfinningagreind og fjölgreindakenningu Howards Gardner og hvernig hún tengist skólastarfi. Einnig eru greindarpróf kynnt og sagt frá helstu greindarprófum sem hafa verið notuð fyrir íslensk börn. Fjallað er um kynjamun og þroskafrávik, þar á meðal barnageðraskanir, ofvirkni, einhverfu og Asperger-heilkenni. Skoðað er hvaða áhrif alvarlega afræksla getur haft á þroska.
SÁLF2AA05
Nemandi skal hafa öðlast þekkingu og skilning á:
sögulegum bakgrunni þroskasálfræðinnar og hvernig hún verður til sem vísindagrein
viðfangsefnum og helstu meginstefjum þroskasálfræðinnar
rannsóknaraðferðum þroskasálfræðinnar, kostum þeirra og göllum
helstu kenningum í þroskasálfræði
megineinkennum þroskaferilsins, svo sem líkamsþroska, vitsmunaþroska, félagsþroska, tilfinninga- og persónuleikaþroska og kenningum þar að lútandi
frávikum í þroska, bæði m.t.t. barnageðraskana og vægari raskana
hvað mótar kynmynd og kynhegðun
siðareglum sem gilda í nútímarannsóknum þar sem börn koma við sögu
Nemandi skal hafa öðlast leikni í að:
greina merki andlegrar vanlíðanar hjá börnum og ungmennum
skoða kenningar í þroskasálfræði og tengja þær við eigin lífsferil í fortíð, nútíð og framtíð
leita upplýsinga og afla þekkingar á sviði þroskasálfræði
gera greinarmun á fræðilegum heimildum og léttvægum heimildum
vinna að sjálfstæðu rannsóknarverkefni sem tengist efni áfangans
beita vísindalegri hugsun og vinnubrögðum
framfylgja helstu siðareglum sem gilda við rannsóknir á börnum
tjá kunnáttu sína í þroskasálfræði bæði í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á því að hve miklu leyti líffræðilegir, vitsmunalegir, og félagslegir þættir móta hegðun og persónuleikaþroska
meta sálfræðilegar rannsóknir (þ.e. kenningar og athuganir) með tilliti til þroskasálfræði
setja fram eigin rannsóknarniðurstöður og annarra með gagnrýnum hætti
taka gagnrýni með jákvæðum og opnum huga
átta sig á því að hvaða leyti hugsun og þroski barna er frábrugðin fullorðinna
gera sér grein fyrir því hvað megi bjóða börnum og hvaða kröfur er hægt að gera til þeirra