Í áfanganum er stjórnmálafræði kynnt sem fræðigrein og rætt um helstu hugmyndafræðistrauma stjórnmálanna. Fjallað er um skilgreininguna á lýðræði, forsendur þess að samfélag geti talist lýðræðislegt og hvað greini lýðræði frá einræðis- og afturhaldsstjórnarfari. Þá er rakin stjórnmálasagan frá 1904 til dagsins í dag, þróun íslenskra stjórnmálaflokka, áhrif hagsmunasamtaka og fjölmiðla í íslenskum stjórnmálum. Rætt um sjálfbærni í tengslum við ákvarðanir íslenskra stjórnvalda og jafnrétti er tekið fyrir meðal annars í tengslum við viðfangsefni stjórnmálanna, fjölmenningarsamfélagið og hagsmunahópa. Þá er rætt um heilbrigði og velferð í tengslum við ákvarðanir íslenskra stjórnvalda.
Nemendur þurfa að hafa lokið áfanganum FÉLA2AA05
Nemandi skal hafa öðlast þekkingu og skilning á:
helstu viðfangsefnum stjórnmálafræðinnar og helstu hugtökunum og kenningum hennar
helstu þáttum í þróun íslenskra stjórnmála
tengslum sögu íslenskra stjórnmálaflokka við helstu hugmyndakerfi stjórnmálanna og geti lýsi þróun þeirra í gegnum tíðina
sögu og þróun sveitarstjórnarstigsins
áhrifum ólíkra hagsmunasamtaka í íslenskum stjórnmálum
áhrifum ólíkra fjölmiðla í íslenskum stjórnmálum
Nemandi skal hafa öðlast leikni í að:
metið ólíkar kenningar um vald og lýðræði
greina íslenska stjórnmálakerfið og túlkað stjórnmálaþátttöku í ljósi ólíkra stjórnmálafræðikenninga
Nemandi skal geta hagnýtt þá almennu þekkingu og leikni sem hann hefur aflað sér til að:
taka rökstudda afstöðu til helstu þátta sem nú einkenna íslensk stjórnmál
taka rökstudda afstöðu til helstu hugmyndakerfa í stjórnmálum
Áfanginn er án lokaprófs en námsmat byggist á kaflaprófum og ýmsum verkefnum.