Farið er í helstu kenningar afbrotafræðinnar og þeim beitt á viðfangsefni samfélagsins sem eru í brennidepli hverju sinni. Frumkvöðlum afbrotafræðinnar eru gerð skil og framlagi þeirra til greinarinnar. Tekin verða fyrir helstu tegundir afbrota, þróun afbrota á Íslandi og þær breytingar skoðaðar sem hafa orðið á brotum og brotaminnstri á Íslandi. Gerð verður grein fyrir refsivörslukerfinu með áherslu á þróun refsinga og betrunar. Einnig er hlutdeild kvenna í afbrotum skoðuð sem og viðhorf íslendinga til afbrota
FÉLA2AA05
Nemandi skal hafa öðlast þekkingu og skilning á:
samstöðu-, samskipta- og átakasjónarhornum afbrotafræðinnar
helstu hugtökum afbrotafræðinnar, s.s. frávik, stimplun og félagslegt taumhald
helstu tegundum frávika og afbrota
aðferðum sem samfélög beita og hafa beitt til að taka á afbrotum
sérstöðu afbrotafræðinnar og skyldleika hennar við aðrar greinar félagsvísinda
Nemandi skal hafa öðlast leikni í að:
afla upplýsinga um frávik og afbrot og viðbrögðum samfélagsins, greina þær og setja í fræðilegt samhengi
beita helstu hugtökum og kenningum afbrotafræðinnar
greina mismunandi tegundir afbrota út frá ólíkum sjónarhornum
Nemandi skal geta hagnýtt þá almennu þekkingu og leikni sem hann hefur aflað sér til að:
geta lagt mat á upplýsingar um frávik, afbrot og viðbrögð samfélagsins við afbrotum
geta tjáð sig í ræðu og riti um samfélagsleg álitamál er tengjast afbrotum og viðbrögðum samfélagins við þeim
vita hvað felst í fræðilegum vinnubrögðum, kunna að leita að heimildum, meta gæði þeirra og vísa rétt í þær