Fjallað er um fræðilegan grundvöll alþjóðastjórnmála og megin einkenni alþjóðlega stjórnmálakerfisins. Vígbúnaðarkapphlaupið í alþjóðakerfinu, orsakir þess, afvopnunarmál, frið og friðarhreyfingar, árekstrar ólíkra menningarheima og hryðjuverkastarfsemi. Þá verður rætt um alþjóðavæðingu eins og hún birtist í vaxandi samfléttum í alþjóðasamfélaginu og aukinni efnahagslegri- og pólitískri samvinnu á alþjóðavettvangi. Einnig um endalok kalda stríðsins og þau þjóðernisátök sem fylgdu í kjölfarið. Að lokum er fjallað um samband umhverfis- og þróunarmála og pólitískar kenningar um umhverfiskreppuna. Rætt um lýðræði í tengslum við ólík stjórnkerfi landa, sjálfbærni í tengslum við umhverfis- og þróunarmála og jafnrétti er tekið fyrir meðal annars í tengslum við viðfangsefni samstarf og samningaumleitanir milli þjóða og/eða alþjóastofnanna. Þá er ræt um heilbrigði og velferð í tengslum afvopnunarmál og friðarhreyfingar.
Nemendur þurfa að hafa lokið annað hvort FÉLA2BB05 eða FÉLA2BS05
Nemandi skal hafa öðlast þekkingu og skilning á:
alþjóðastjórnmálum og um hvað þau snúast
helstu hugtökum og kenningum sem stjórnmálafræðin hefur beitt til að greina samskipti ríkja og alþjóðlega kerfið.
Nemandi skal hafa öðlast leikni í að:
beita kenningum og hugtökum til að greina þá þætti sem nú einkenna alþjóðastjórnmálin
beita kenningum og hugtökum til að greina helstu álitamál í alþjóðastjórnmálum
Nemandi skal geta hagnýtt þá almennu þekkingu og leikni sem hann hefur aflað sér til að:
taka rökstudda afstöðu til helstu þátta sem nú einkenna alþjóðastjórnmálin
taka rökstudda afstöðu til helstu hugmyndakerfa í alþjóðastjórnmálum.
Áfanginn er próflaus en námsmatið byggir á kaflaprófum og ýmsum verkefnum.