Mannkyns- og Íslandssaga á 20. og 21. öld. Inngangsáfangi í sögu á öllum brautum. Unnið er út frá nokkrum ákveðnum lykilártölum, atburðum og þemum tengdum þeim. Tekið er mið af grunnþáttum menntunar samkvæmt aðalnámskrá við val á viðfangsefnum. Þau eru: Aldamótin 1900, stríð og stórveldastjórnmál, kreppuár, kalda stríðið, frelsisbarátta nýlenda, mannréttindabarátta, jafnréttisbarátta, ný heimsmynd að loknu köldu stríði og heimurinn á 21. öld. Nemendur skoða orsakir og afleiðingar tengdar þessum atburðum og skoða samfélagslegt samhengi þeirra.
Engar.
Nemandi skal hafa öðlast þekkingu og skilning á:
Baráttu fólks fyrir mannréttindum, jafnrétti, menningar- og pólitísku sjálfstæði og umhverfisvernd á umræddu tímabili
Högum og daglegu lífi fólks á tímabilinu
Stórveldum og stríðum og áhrifum þeirra á líf fólks á 20. öld
Þróun og vexti ríkisvalds á 20. öld
Efnahags-, tækni- og umhverfisþróun 20. og 21. aldar
Nemandi skal hafa öðlast leikni í að:
vinna með heimildatexta bæði á íslensku og ensku
greina mismunandi heimildir, t.d. sagnfræðitexta, dagblöð og ljósmyndir
greina sögulega þróun og samhengi hennar
koma frá sér sögulegum fróðleik og greiningu bæði í texta og munnlega
skrifa styttri ritgerð sem svarar ákveðinni rannsóknarspurningu
setja upp heimildaskrá í samræmi við hefðir sagnfræðinnar
tjá sig um söguleg málefni við kennara og jafningja
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á hvernig samfélagsþróun 20. aldarinnar hefur mótað nútímasamfélag
bera saman mismunandi menningarsvæði og tímabil
samþætta þekkingu á sögulegu efni og leikni í ritgerðarskrifum
lesa, túlka og setja sögulegar heimildir í samhengi við liðna tíma
leggja mat á sögulega þróun með tilliti til mannréttinda, jafnréttis, sjálfbærni, lýðræðis og velferðar