Línuleg jöfnuhneppi og lausnir þeirra.
Fylkjareikningur, framsetning línulegra jöfnuhneppa með fylkjum. Vigrar og vigurrúm. Eigingildi vigra og tilsvarandi eiginvigrar. Línur og sléttur, innfeldi vigra. Fjarlægðar -
og hornamælingar. Línulegir
virkjar og framsetning þeirra með fylkjum. Efnisþættir geta verið breytilegir milli anna.
Nemandinn skal hafa lokið STÆR3DD05
Nemandi skal hafa öðlast þekkingu og skilning á:
Línulegum jöfnuhneppum og mismunandi framsetningum slíkra hneppa.
Fylkjum, fylkjaaðgerðum og sambandi milli fylkja og línulegra jöfnuhneppa.
Fylkjareikningi og andhverfum fylkja.
Einföldum fylkjum og hlutverki þeirra í fylkjaaðgerðum og andhverfureikningi.
Mismunandi gerðum fylkja, hornalínu-, þríhyrnings- og samhverfra fylkja.
Ákveðum fylkja og hlutverki þeirra í andhverfureikningi.
Vigrum í n-viðu Evklíðsku rúmi, vigurreikningi og tilsvarandi innréttingum svo sem innfeldi, lengdar- og hornamælingum.
Lýsingu á línum og sléttum í n-víðu Evklíðsku rúmi.
Grunnhugtökum almenns vigurrúms svo sem hlutrúmi, grunni og vídd.
Nemandi skal hafa öðlast leikni í að:
Framsetningu og einföldun línulegra jöfnuhneppa.
Að beita fylkjaaðgerðum við einföldun línulegra jöfnuhneppa.
Að greina milli gerða lausnarmengja línulegra jöfnuhneppa
Fylkjareikningi, andhverfureikningi og þáttun fylkja.
Vigurreikningi, lengdar- og hornamælingum.
Að beita viðeigandi aðgerðum í lengdar og fjarlægðarmælingum í n-víðu Evklíðsku vigurrúmi.
Að greina hlutrúm í vigurrúmi.
Að ákvarða grunn og vídd hlutrúma.
Að sýna hvernig framsetning vigra er háð vali á grunn.
Nemandi skal geta hagnýtt þá almennu þekkingu og leikni sem hann hefur aflað sér til að:
Átta sig á að fylkjareikningur er hluti af sjálfstæðu rannsóknarsviði stærðfræðinnar.
Setja viðeigandi vandamál fram sem línulegt jöfnuhneppi
Að greina línuleg jöfnuhneppi og lausnarmengi út frá tilsvarandi fylkjum og eiginleikum þeirra.
Lýsa innréttingum Evsklíðskra vigurrúma með tilliti til fylkja.
Vera fær um að lesa og skilja viðeigandi vandamál og vera fær um að setja vandamálið í þann búning að aðferðir línulegrar algebru leiði til viðeigandi lausnar.
Rekja viðeigandi lausnir á skipulegan hátt og vera fær um að gagnrýna eigin aðferðir.
Að skilja og vera fær um að rökstyðja eigin lausnir.
Leysa verkefni á sviði ýmissa greina svo sem hagfræði, náttúruvísinda og umhverfisfræði þar sem einfaldur fylkjareikningur og innréttingar Evklíðsra rúma leiðir til niðurstöðu.