Áfanginn er fyrsti áfanginn í eðlisfræði og er grunnur fyrir frekara nám í eðlisfræði. Farið er
yfir grunnhugtök í aflfræði og varmafræði en mikil áhersla er lögð á að kenna vinnubrögð, bæði við úrlausn verkefna og við verklegar æfingar. Nemendur eru þjálfaðir í notkun táknmáls eðlisfræðinnar og lausn dæma.
Nemendur framkvæma nokkrar tilraunir í áfanganum.
Nemendur þurfa að hafa lokið STÆR2AA05 eða sambærilegu fyrir áfangann.
Nemandi skal hafa öðlast þekkingu og skilning á:
SI - einingakerfinu og mikilvægi eininga í eðlisfræðinni.
helstu hugtökum, jöfnum og lögmálum í hreyfifræði, aflfræði og vermafræði.
gröfum sem lýsa hreyfingu.
muninum á stigstærð og vigrum.
hreyfingu hluta á skáflötum og hvaða kraftar hafa áhrif á hreyfinguna.
tengslum afl- og varmafræði við umhverfið.
Nemandi skal hafa öðlast leikni í að:
nota einingar SI-kerfisins og breyta algegnum einingum úr öðrum mælieiningakerfum í SI-einingar.
lesa nauðsynlegar upplýsingar úr texta til að geta leyst dæmi og verkefni.
nota jöfnur og lögmál hreyfifræði, aflfræði og varmafræði við að leysa dæmi og verkefni.
nota vigra við að leysa dæmi í hreyfifræði og aflfræði, bæði með samlagningu og liðun vigra.
setja fram og túlka gröf sem lýsa hreyfingu hluta.
framkvæma einfaldar tilraunir þar sem verklýsingu er fylgt.
skrá niðurstöður mælinga á skipulegan hátt.
nota viðeigandi hugbúnað og tölvubúnað við mælingar og úrvinnslu gagna.
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir helstu viðfangsefnum eðlisfræðinnar.
útskýra munnlega hugtök afl- og varmafræðinnar.
sýna fram á lögmál afl- og varmafræðinnar með því að gera tilraunir einn eða í samstarfi við aðra.
leysa úr viðfangsefnum einn eða í samstarfi við aðra.
sýna sjálfstæði í vinnubrögðum og bera ábyrgð á eigin námsframvindu.
yfirfæra þekkingu úr öðrum greinum (s.s. stærðfræði og efnafræði) við lausn verkefna.
meta hvort niðurstöður útreikninga og mælinga séu raunhæfar.
tengja afl- og varmafræði við daglegt líf og umhverfi og gera sér grein fyrir notagildi fræðanna.
Námsmat byggir á heimadæmum, verklegum æfingum og lokaprófi.