Markmið áfangans er að greina siðferðileg hugtök, hugsa um siðferðileg álitamál og velta fyrir sér hvað umburðarlyndi gagnvart ólíkum skoðunum feli í sér. Velta fyrir sér hvaða ástæður við höfum til að vera góðar manneskjur og breyta vel og hvað siðferðileg heppni hafi mikil áhrif á það hvernig okkur farnast í lífinu. Í síðari hluta áfangans er hugtökum og kenningum beitt á raunhæf vandamál og á nokkrar valdar kvikmyndir.
HEIM2AA05
Nemandi skal hafa öðlast þekkingu og skilning á:
hugmyndum John Stuart Mill um heildarhamingju, frelsi og nytjastefnu
hugmyndum um skilyrðislaust skylduboð og virðingu fyrir persónum settum fram af Immanúel Kant
hvað átt er við með dyggðasiðfræði og meðalhófskenningu Aristótelesar
hvað átt er við með sérhyggju
hvað átt er við með siðfræðilegri hughyggju og tengja við David Hume og Jean Paul Sartre
hugmyndinni um samfélagssáttmálann
og hafa lesið Gorgías og/eða Evþýfrón eftir Platón
tengslum trúar og siðferðis
hugtökunum menningarlegur mismunur og afstæðishyggja
muninum á afleiðingasiðfræði og skyldusiðfræði og helstu kostum og göllum hvorrar
Nemandi skal hafa öðlast leikni í að:
nota aðferð Sókratesar í umræðu um siðferði
beita hugtökum siðfræðinnar á raunhæf vandamál og kvikmyndir
færa rök fyrir sjónarmiðum og svara mótrökum
skoða siðferðileg vandamál út frá stefnum í siðfræði
geta greint forsendur skoðana, fordóma sem felast í þeim og hvaða gildi þær endurspegla
Nemandi skal geta hagnýtt þá almennu þekkingu og leikni sem hann hefur aflað sér til að:
geta greint heimspekileg vandamál í daglegu umhverfi og menningu og tengt við hugtök siðfræðinnar
geta greint aðferð og rökfærslu heimspekings við lestur á skrifum hans
geta sýnt öðrum virðingu og umburðarlyndi jafnframt því að hafa sjálfstæðar skoðanir og þor til að tala fyrir þeim
skilja hvað er eftirsóknarvert
Námsmat byggir á mætingu, ástundun, lestri á heimspekitextum, þátttöku í umræðum, verkefnum og skriflegri úrvinnslu á lestrarefni áfangans.