Í áfanganum er farið yfir helstu grundvallaratriði í líffæra- og lífeðlisfræði mannslíkamans. Fjallað er um gerð mannslíkamans, farið í byggingu frumunnar og innri starfssemi ásamt hlutverkum frumulíffæra. Einnig eru vefir og vefjaflokkar skoðaðir. Líkamskerfi sem farið er í eru: þekjukerfið, beinakerfið, vöðvakerfið, taugakerfið og skynfæri og innkirtlakerfið.
NÁTT1GR05 eða sambærilegur áfangi.
Nemandi skal hafa öðlast þekkingu og skilning á:
grunnbyggingu og starfsemi mannslíkamans
starfsemi frumna og vefjagerðar
helstu líffærum og líffærakerfum og samspili þeirra í viðhaldi á samvægi í líkamanum
byggingu og starfsemi þekju-, beina-, vöðva-, tauga- og innkirtlakerfis
Nemandi skal hafa öðlast leikni í að:
útskýra byggingu og hlutverk þekju-, beina-, vöðva-, tauga- og innkirtlakerfis
notast við latnesku fræðiheitin
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á tengslum tveggja eða fleiri líffærakerfa
Námsmat er útfært í kennsluáætlun í samræmi við skólanámskrá.