Námið miðar að því að nemendur auki færni sína í enskri tungu og bæti bæði vísindaorðaforða og almennan orðaforða svo og málskilning. Nemendur eru þjálfaðir í ritun með ýmsum verkefnum sem tengjast vísindum. Einnig eru nemendur þjálfaðir í töluðu máli, bæði með umræðum og formlegum fyrirlestrum.
ENS3SV05
Nemandi skal hafa öðlast þekkingu og skilning á:
• enskum orðaforða og hugtökum sem tengjast vísindum
• orðaforða sem gerir honum kleift að tileinka sér með góðu móti lesefni í áframhaldandi námi eða starfi
• siðfræði vísinda, til dæmis umhverfismálum og samfélagslegri ábyrgð
• mismunandi málsniði enskrar tungu
Nemandi skal hafa öðlast leikni í að:
• lesa sér til gagns fræðilegar greinar um efni tengd vísindum
• skilja talað mál sem fjallar um vísindi, til dæmis fyrirlestra
• að taka virkan þátt í samræðum um vísindaleg málefni
• tjá sig munnlega, bæði formlega og óformlega, um efni sem tengjast vísindum sem hann hefur kynnt sér og undirbúið
• skrifa ýmiss konar texta sem tengist vísindum, meðal annars útdrætti, skýrslur og rannsóknarritgerðir
• beita málinu í mismunandi tilgangi, fræðilegum og persónulegum, með stílbrigðum og málsniði sem við á og mætir hæfniviðmiðum þrepsins
• þýða texta sem fjalla um vísindaleg efni
• skrifa útdrætti úr vísindagreinum
Nemandi skal geta hagnýtt þá almennu þekkingu og leikni sem hann hefur aflað sér til að:
• skilja án vandkvæða megininntak erinda og rökræðna sem fjalla um vísindaleg efni
• tileinka sér efni ritaðs texta sem tengist vísindum og nýta á mismunandi hátt
• taka þátt í umræðum og færa rök fyrir máli sínu um vísindaleg málefni
• tjá sig á skýran og áheyrilegan hátt um málefni sem tengjast vísindum
• skrifa texta um efni sem tengist vísindum og fylgja þeim ritunarhefðum sem eiga við
• nýta sér upplýsingatækni til fróðleiks og rannsókna
• geta lagt gagnrýnið mat á texta, nýta sér fræðitexta og meta heimildir á gagnrýninn hátt
• beita gagnrýnni hugsun
• sýna þroskaða siðferðisvitund, víðsýni, sköpunarhæfni og samlíðan í málflutningi sínum, umfjöllun og verkum