Bókfærsluhluti áfangans byggist á verkefnavinnu nemenda, dæmatímum og fyrirlestrum. Til að byrja með vinna nemendur verkefnin í dagbók til að ná undirstöðuatriðum bókfærslunnar og temja sér rétt vinnubrögð. Þegar náðst hefur skilningur á færslu bókhalds eru verkefnin unnin í Excel. Kennslustundirnar eru að mestu verklegar, þ.e. að nemendur vinna sjálfstætt og í hópum. Lögð er áhersla á að nemendur skilji hugsunina á bak við tvíhliða bókhald, læri að færa inn dagbókarfærslur viðkomandi tímabils og geti svo gert upp viðkomandi tímabil.
Rekstrarhagfræðihluti áfangans byggist einnig mikið á verkefnavinnu en líka fyrirlestrum og umræðum. Lögð er áhersla á útreikning og túlkun efnisins. Í áfanganum eru mismunandi kostnaðarhugtök kynnt, útreikingar á núllpunkti, túlkun á kennitölum og gerð einfaldra fjárhagsáætlana.
Nemandi skal hafa öðlast þekkingu og skilning á:
• grunnhugtökum bókfærslu
• helstu kostnaðar- og tekju hugtökum rekstrarhagfræðinnar
• einfaldri áætlanagerð
• hvernig tvíhliða bókhald virkar
Nemandi skal hafa öðlast leikni í að:
• setja fram tvíhliða bókhald
• færa einfalt uppgjör
• setja fram einfaldan efnahags- og rekstrarreikning
• reikna út kostnað, tekur, afkomu og núllpunkt
• reikna framlegð
• gera einfaldar rekstrar- og greiðsluáætlanir auk áætlaðan efnahagsreikning
• reikna út algengar kennitölur
Nemandi skal geta hagnýtt þá almennu þekkingu og leikni sem hann hefur aflað sér til að:
• gera upp viðskipti fyrir ákveðið tímabil
• stilla upp prófjöfnuði
• gera einfaldar lokafærslur fyrir uppgjör
• útfæra einfaldar launafærslur
• búa yfir skilningi á mismunandi kostnaði fyrirtækja
• skilja samhengi í rekstri fyrirtækja og mikilvægi áætlanagerðar
• skilja og túlka tölulegar upplýsingar sem varða rekstur fyrirtækja
• túlka niðurstöður kennitöluútreikninga
• gera sér grein fyrir verðmætasköpun fyrirtækja
Námsmat áfangansi byggir á skilaverkefnum nemenda, skyndiprófum og lokaprófi.