Viðfangsefni áfangans er bandarísk innanríkissaga frá tímum fyrstu evrópsku landnemanna fram að árþúsundamótum. Áfanginn veitir yfirlit yfir helstu þætti bandarískrar sögu en nemendur fá tækifæri til að kanna afmarkaða þætti í valverkefnum á önninni. Markmið áfangans er að nemendur kynnist sögu Bandaríkjanna og hvernig þau hafa tekið breytingum í tímans rás. Nemendur kynnist og greini frumheimildir úr bandarískri sögu sem og birtingarmyndir hennar í amerískri dægurmenningu.
10 feiningar í sögu.
Nemandi skal hafa öðlast þekkingu og skilning á:
áhrifum kynhlutverka og stéttskiptingar á líf fólks í bandarískri sögu
helstu atburðum úr bandarískri sögu sem vísað er til í samtímanum
helstu hugtökum, kenningum og viðfangsefnum bandarískrar sögu
hlutverki og mikilvægi trúarbragða í bandarískri sögu
meginstiklum í tækni-, vísinda- og atvinnuþróun Bandaríkjanna
mismunandi hugmyndum og framkvæmd á bandarísku stjórnkerfi, kostum þeirra og göllum
mismunandi sjónarhornum á samfélagsleg gildi og siðferði í Bandaríkjunum
örlögum og sögu frumbyggja og þræla í Bandaríkjunum
Nemandi skal hafa öðlast leikni í að:
greina fjölbreytt orsakasamhengi
leita sér að gagnlegum heimildum
rannsaka afmörkuð söguleg efni
setja fram söguleg viðfangsefni á skýran, aðgengilegan og fjölbreyttan hátt
skrifa texta sem byggja á ítarlegri heimildaöflun og úrvinnslu gagna
sýna sjálfstæði og sköpun í verkefnavali og verkefnaúrlausnum
taka þátt í umræðum og verja rökstudda afstöðu sína
vinna að verkefnum með samnemendum
Nemandi skal geta hagnýtt þá almennu þekkingu og leikni sem hann hefur aflað sér til að:
lesa heimildir um bandaríska sögu á gagnrýninn hátt
meta umfjöllun um bandaríska sögu í nútímamiðlum
taka frumkvæði í þekkingaröflun og verkefnavali og nálgast þau á faglegan hátt
taka siðferðislega afstöðu til siða og atburða í bandarískri sögu
taka þátt í málefnalegum umræðum og rökræðum um sögu og samfélag Bandaríkjanna
útskýra bandarísk viðhorf og hugmyndir um ýmis málefni
Tímaverkefni, valverkefni með frjálsu sniði, munnlegt próf.