Áfanginn tekur mið af heimildaöflun og rannsóknarvinnu. Lögð er áhersla á að nemandi samþætti þá þekkingu og færni sem hann hefur tileinkað sér í LIFF2LE05 og LIFF2EF05, með sérstakri áherslu á líffræði. Meginmarkmið áfangans er að brjóta niður veggi milli fyrri áfanga og greina, rifja upp efni þeirra og setja það í víðara samhengi en áður hefur verið gert. Hver nemandi vinnur einstaklings heimildaverkefni. Nemendur framkvæma rannsókn í hópavinnu og vinna rannsóknarskýrslu og veggspjald úr rannsókninni. Þeir kynna rannsókn sína fyrir samnemendum með fyrirlestri. Einnig kynna þeir veggspjaldið á Vísindaráðstefnu skólans. Nemendur velja efnisþætti í samráði við kennara hverju sinni. Sjálfstæð vinnubrögð nemenda eru höfð í fyrirrúmi með leiðsögn frá kennara.
LIFF2LE05 og LIFF2EF05
Nemandi skal hafa öðlast þekkingu og skilning á:
• sérhæfðum sviðum líffræðinnar
• sérhæfðum orðaforða á íslenskri og enskri tungu sem nýtist til undirbúnings fyrir frekara nám
• gera raunhæfar áætlanir um skrif heimildaritgerða og rannsókna
• nýta sér rannsóknartæki og hugbúnað í tengslum við sérhæfð verkefni
• nýta sér upplýsinga- og samskiptatækni
• safna upplýsingum, vinna úr þeim og miðla til annarra
• setja fram og túlka myndir og gröf
• skipuleggja rannsóknarverkefni, framkvæma og útskýra út frá takmörkuðum fyrirmælum
• hagnýta sér tengsl milli stærðfræði og náttúru- og raungreina til úrlausnar verkefna
• tjá skoðanir sínar og verkefni á skýran hátt, draga ályktanir og rökstyðja í fræðilegu samhengi
Nemandi skal geta hagnýtt þá almennu þekkingu og leikni sem hann hefur aflað sér til að:
• auka skilning sinn á líffræðilegum viðfangsefnum
• nýta sér þekkingu í meðferð heimilda
• beita mismunandi rannsóknaraðferðum og túlka niðurstöður
• geta yfirfært og beitt þekkingu úr einum efnisþætti eða fleirum við lausn verkefna í öðrum efnisþáttum og greint samhengi þar á milli
• útskýra, greina, draga ályktun af og miðla niðurstöðum rannsóknar
• taka þátt í og stjórna upplýstri umræðu um málefni er snerta vísindi, tækni og samfélag
• taka þátt í vísindaráðstefnu þar sem skipst er á skoðunum eftir kynningar á rannsóknarverkefnum
• taka ábyrgð á eigin námi
Dagbók sem er haldin yfir önnina, heimildaritgerð sem er unnin út frá áhugasviði nemenda, rannsóknarskýrsla sem byggir á eigin rannsókn nemenda, fyrirlestur um rannsóknina og veggspjald þar sem rannsóknarverkefnið er kynnt á Vísindaráðstefnu skólans. Einkunn áfangans byggir á símati.