Í þessum byrjunaráfanga er fjallað um rekstur fyrirtækja og umhverfi þeirra. Fjallað er um grunnatriði hagfræðinnar og skilgreiningar á mismunandi skipulagsheildum. Lögð er áhersla á að nemendur öðlist yfirsýn yfir fyrirtæki sem skipulagsheild og hvernig það þrífst í samkeppni við önnur fyrirtæki.
Engar
Nemandi skal hafa öðlast þekkingu og skilning á:
grundvallarhugtökum hagfræðinnar, skorti, vali og fórnarkostnaði
hugtökunum framboð og eftirspurn
helstu framleiðsluþáttum
helstu kostnaðarhugtökum
beinum og óbeinum kostnaði
Nemandi skal hafa öðlast leikni í að:
skilja hugtökin tekjur, kostnaður og afkoma
nota aðferðir við útreikning framlegðar og rekstrarjafnvægis
þekkja mismunandi rekstrarform fyrirtækja
reikna út framlegð og hagnað
gera fjárhagsáætlun
Nemandi skal geta hagnýtt þá almennu þekkingu og leikni sem hann hefur aflað sér til að:
skilja hvernig verðmæti myndast innan fyrirtækja og hvernig þeim er ráðstafað
Námsmat er útfært í kennsluáætlun í samræmi við skólanámskrá