Það kom upp villa senda inn  Áfangi

    Áfangi Nánari upplýsingar


    Búið til: 1420625386.08

    Umhirða og atferli - bóklegt 2
    HEST2FB05
    2
    hestamennska
    Umhirða og atferli 2
    Samþykkt af skóla
    2
    5
    Í áfanganum verður farið ítarlega í gangtegundir íslenska hestsins og grunnatriði þjálfunar með tilliti til hreyfieðlis hestsins og líkamsbeitingu knapans. Nemendur kynnast þróun reiðmennsku og hestahalds á Íslandi og farið verður yfir helstu keppnisgreinar og félagskerfi hestamennskunnar á Íslandi. Í áfanganum verður lögð áhersla á atriði í fóðrun, heilbrigði og umhirðu hesta.
    HEST1HE05
    Nemandi skal hafa öðlast þekkingu og skilning á:
    • gangtegundum íslenska hestsins
    • þróunarsögu reiðmennsku og hestahalds á Íslandi
    • líkama hestsins og hvernig hesturinn beitir sér með og án knapa
    • fræðunum sem liggja að baki einföldum fimiæfingum við hendi, reið og í hringteymingu
    • líkamsbeitingu knapans og hvernig hún hefur áhrif á hestinn
    • heilbrigði, fóðrun og umhirðu hesta
    Nemandi skal hafa öðlast leikni í að:
    • tjá sig í umræðum um hesta á faglegum grundvelli
    • vinna sjálfstætt og í hópum
    • flokka hesta í rétt holdastig og reikna fóðurþarfir þeirra
    • greina líkamlega hegðun og skapgerð mismunandi hesta
    • geta skilgreint einfaldar fimiæfingar við hendi og á baki
    • sjá mun á gangtegundum og líkamsbeitingu hesta með og án knapa
    Nemandi skal geta hagnýtt þá almennu þekkingu og leikni sem hann hefur aflað sér til að:
    • miðla þekkingu sinni og reynslu til annarra
    • setja saman fjölbreytta og góða þjálfunaráætlun
    • greina og skilja þjálfunarferlið hjá öðrum knöpum
    • taka þátt í umræðum um það sem er að gerast í hestamennskunni í dag
    Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.