Það kom upp villa senda inn  Áfangi

    Áfangi Nánari upplýsingar


    Búið til: 1421236604.96

    Lífsleikni
    LÍFS1ÉG02
    53
    lífsleikni
    samfélagið, skólinn, Ég
    Samþykkt af skóla
    1
    2
    Áfanginn er ætlaður nemendum í upphafi skólagöngu. Efni áfangans eru ýmsir þættir sem tengjast því að vera nemandi í framhaldsskólanum og manneskja í samfélagi. Áhersla er lögð að nemendur læri á framhaldsskólakerfið sjálft, námsleiðir og skipulag náms miðað við mismunandi útgönguleiðir og áhugasvið. Einnig er tekið til umfjöllunnar staða einstaklingsins í samfélaginu, fjármál og réttindi og skyldur á vinnumarkaði. Í lífsstílshlutanum er farið í forvarnarfræðslu af ýmsu tagi sem og ábyrgð einstaklingsins á eigin heilsu. Samhliða öðrum viðfangsefnum er lögð áhersla á að styrkja samkennd nemenda og efla tjáningarhæfni þeirra og sjálfstraust.
    Engar
    Nemandi skal hafa öðlast þekkingu og skilning á:
    • skólaumhverfinu og skólastarfinu í heild sinni
    • námsmöguleikum, námsleiðum og ólíkum starfsgreinum í samfélaginu
    • hvernig undirbúa skal og flytja munnleg erindi við mismunandi aðstæður
    • kostum heilbrigðs lífstíls
    • hvað felst í ábyrgri hegðun í umferðinni
    • því hvað einkennir góð samskipti almennt og á samfélagsmiðlum
    • réttindum og skyldum á vinnumarkaði
    • grunnatriðum í fjármálum einstaklinga
    Nemandi skal hafa öðlast leikni í að:
    • leita sér upplýsinga um þær stoðir sem í boði eru í skólanum
    • skoða námsframboð og námsleiðir og tengja við áhugasvið
    • undirbúa mál sitt og færa rök fyrir skoðunum sínu og afstöðu
    • afla sér upplýsinga um þá þætti í lífinu sem áhrif hafa á heilbrigði
    • sýna ábyrga hegðun í umferðinni
    • skipuleggja og bera ábyrgð á eigin fjármálum
    Nemandi skal geta hagnýtt þá almennu þekkingu og leikni sem hann hefur aflað sér til að:
    • nýta sér þær stoðir sem í boði eru í skólanum
    • skýra hvert hann stefnir og taka ábyrgð á eigin námi og framtíð
    • flytja mál sitt
    • greina hættur í umferðinni til að vera ábyrgur ökumaður
    • taka upplýstar ákvarðanir varðandi eigið líf og heilsu
    • útskýra eigin gildi varðandi samskipti almennt og á samfélagsmiðlum
    • vera læs á fjármál sín
    • vera ábyrgur og sjálfstæður einstaklingur á vinnumarkaði
    Námsmat er útfært í kennsluáætlun í samræmi við skólanámskrá