Í áfanganum er fjallað um frumkvöðla félagsfræðinnar og kynntar helstu kenningar og rannsóknaraðferðir greinarinnar. Tengsl einstaklinga og samfélags eru skoðuð og greind í ljósi ólíkra kenninga. Í áfanganum er farið yfir vítt svið félagsfræðinnar og nemendur fá þjálfun í að beita félagsfræðilegu innsæi við túlkun á samfélaginu, bæði almennt og á tiltekin viðfangsefni. Bornar verða saman eigindlegar og megindlegar rannsóknir og tengsl þeirra við kenningar. Nemendur fá þjálfun í að beita rannsóknaraðferðum og fylgja vísindalegu rannsóknarferli þar sem áhersla verður lögð á aðferðarfræðileg og siðferðisleg vandamál tengd rannsóknum í félagsvísindum. Meginmarkmið áfangans er að auka áhuga, þekkingu og skilning nemenda á kenningum og rannsóknaraðferðum til þess að þeir verði færir um að meta, taka afstöðu til og fjalla á gagnrýninn hátt um rannsóknir félagsvísindamanna og beita þeim í nokkrum mæli.
FÉLA1BY05
Nemandi skal hafa öðlast þekkingu og skilning á:
kenningarsjónarhornum félagsfræðinnar; samskipta-, samvirkni- og átakakenningum
megindlegum og eigindlegum rannsóknaraðferðum
helstu hugtökum félagsfræðinnar
aðalatriðum femínískra kenninga og póstmódernisma
Nemandi skal hafa öðlast leikni í að:
tengja saman rannsóknarniðurstöður og kenningar
beita kenningum á mismunandi viðfangsefni
beita hugtökum á mismunandi viðfangsefni
beita rannsóknaraðferðum á mismunandi viðfangsefni
taka fræðilega afstöðu til samfélagslegra álitamála
Nemandi skal geta hagnýtt þá almennu þekkingu og leikni sem hann hefur aflað sér til að:
sjá félagsleg hugðarefni út frá mismunandi kenningarlegum sjónarhornum
geta lagt mat á rannsóknir í félagsvísindum
leggja mat á hvaða rannsóknaraðferðir henta best við mismunandi aðstæður og á mismunandi rannsóknarefni
geta metið eigið vinnuframlag og annarra
geta sett fram þekkingu sína í ræðu og riti
Námsmat er útfært í kennsluáætlun í samræmi við skólanámskrá