Áfanginn byggist á að skoða það samhengi sem er á milli bókmennta og kvikmynda. Ákveðið tímabil verður haft til grundvallar við gerð áfangans. Mikil áhersla verður lögð á að vekja áhuga nemenda á tungumálinu með lestri bóka, ljóða og dægurlagatexta sem tengjast sama tímabili. Íslenska kvikmyndavorið verður kynnt fyrir nemendum.
ÍSLE2LR05
Nemandi skal hafa öðlast þekkingu og skilning á:
Helstu straumum og stefnum valinna íslenskra bókmennta og kvikmynda
Bókmenntahugtökum sagnahefðarinnar
Myndmáli og stílbrögðum ljóða og texta
Íslenska kvikmyndavorinu
Nemandi skal hafa öðlast leikni í að:
Lesa bókmenntatexta og mynda sér skoðun á þeim
Gera grein fyrir inntaki bókmenntaverka
Sjálfstæðum og skipulegum vinnubrögðum við ritsmíðar
Rýna í menningu og mynda sér skoðun út frá kvikmyndum og bókmenntum
Beita hugtökunum myndlæsi og menningarrýni
Nemandi skal geta hagnýtt þá almennu þekkingu og leikni sem hann hefur aflað sér til að:
Beita bókmenntahugtökum við greiningu á bókmenntum og kvikmyndasögu
Taka þátt í málefnalegum umræðum
Fjalla um menningu í miðli, t.d. kvikmyndum
Geta lesið í menningu þjóða út frá bókmenntum og kvikmyndum
Notast verður við fjölbreyttar námsmatsaðferðir en í því felst m.a. að nemendur athugi ýmsa þætti efnisins, haldi fyrirlestra og taki þátt í umræðum í sambandi við þá, taki ýmis smápróf og leysi ýmiskonar verkefni. Gera má viðveru og virka þátttöku að skilyrði til að standast áfangann.