Markmið kennslunnar er að nemendur haldi áfram að æfa sig að skilja rit- og talmál, geti tjáð sig betur skriflega og munnlega í tengslum við kennsluefnið, þekki fleiri reglur í þýskri málfræði og auki orðaforða.
ÞÝSK1AF05
Nemandi skal hafa öðlast þekkingu og skilning á:
flóknari þýskum orðaforða
fjölbreyttara hlustunarefni
fleiri málfræðireglum
fleiri atriðum varðandi menningu, sögu og landafræði þýskumælandi landa
Nemandi skal hafa öðlast leikni í að:
skilja meira talað mál ef talað er hægt og skýrt
lesa lengri þýska texta
skrifa lengri þýska texta tengdum kennsluefni
Nemandi skal geta hagnýtt þá almennu þekkingu og leikni sem hann hefur aflað sér til að:
hafa fjölbreyttari samskipti við þýskumælandi fólk á skriflegan og munnlegan hátt
afla sér fjölbreyttari upplýsinga með hjálp kennslugagna og upplýsingatækni
Þetta er símatsáfangi. Námsmatið byggir á skriflegum verkefnum sem nemendurnir vinna heima eða í tímum, einnig á kaflaprófum, leiðarbók, vinnubók, mætingu, ástundun og virkni í tímum.