Nemendur öðlast þekkingu á ýmsu sem tengist heimi enskra myndasagna, s.s. sögu þeirra, mismunandi tegundum og ákveðnum höfundum og bókmenntaverkum. Þeir öðlast einnig leikni í að vinna með myndrænt mál. Áhersla er lögð á skapandi vinnu á borð við persónusköpun og myndasögugerð. Nemendur vinna jafnframt að fjölbreyttum verkefnum sem miða að því að þjálfa framsögn, samræður, samvinnu, hlustun, gagnrýna hugsun, lesskilning og ritfærni.
ENSK3CC/CH05
Nemandi skal hafa öðlast þekkingu og skilning á:
• víðtækum nýjum orðaforða
• gagnrýnni bókmenntalegri umfjöllun
• því menningarumhverfi sem textar eru sprottnir úr
• myndmáli og samspili mynda og texta
Nemandi skal hafa öðlast leikni í að:
• hugsa á skapandi og gagnrýninn hátt
• taka afstöðu til hugmynda og rökstyðja mál sitt
• setja mál sitt fram skilmerkilega í ræðu og riti
• beita þeim lestraraðferðum sem við eiga eftir gerð texta eða viðfangsefnis
• vinna sjálfstæð verkefni að eigin vali
Nemandi skal geta hagnýtt þá almennu þekkingu og leikni sem hann hefur aflað sér til að:
• vinna sjálfstætt og skipuleggja verkefni
• lesa krefjandi bókmenntalega texta/skáldsögur og tjá sig munnlega og skriflega um efni þeirra með viðeigandi orðaforða
• taka þátt í skoðanaskiptum og færa rök fyrir máli sínu
• nýta og beita nýjum orðaforða
• skrifa bæði skapandi og formlegan texta og beita viðeigandi rithefðum
• gera greinarmun á formlegri og óformlegri málnotkun í ræðu og riti
• meðtaka bókmenntaverk og njóta þeirra
Verkefni, smápróf, ritun, munnleg færni og ástundun.