Meðal annars verður farið í líkindareikning, fylgni, ályktunartölfræði, normlega dreifingu, t-dreifingu, úrtaksdreifingu, fylgniútreikninga og aðhvarfsgreiningu. Nemendur læra að draga ályktanir um þýði á grundvelli úrtaka, setja fram tilgátur og prófa þær. Nemendur læra að setja fram gögn með sérhæfðum tölfræðiforritum og útskýra niðurstöðurnar, þeir velja sér rannsóknarefni og nýta allt sem þeir læra í áfanganum til að gera rannsóknarefni sínu skil.
tölfræðiáfangi 2. þrepi
Nemandi skal hafa öðlast þekkingu og skilning á:
algengustu líkindadreifingum
fylgnihugtakinu
ályktunartölfræði
öryggisbili
framsetningu tilgáta og prófana á þeim
öflun tölfræðilegra upplýsinga
grunnatriðum úrtaksfræða
Nemandi skal hafa öðlast leikni í að:
nýta einfalda líkindadreifingu við útreikning líkinda
reikna fylgni á milli tveggja breytna
túlka fylgnistuðla
nota hugtökin öryggisbil, öryggismörk og öryggisstig á réttan hátt
setja fram tilgátur og prófa þær
framkvæma Z-próf og t-próf
nýta tölfræðileg forrit við vinnslu og framsetningu tölfræðilegra gagna
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
átta sig á tengslum ólíkra aðferða við framsetningu stærðfræðilegra hugmynda og viðfangsefna
skilja merkingu og tengsl hugtaka í námsefninu og vinna með þau
geta fylgt og skilið röksemdir og röksamhengi í mæltu máli og texta
beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
takast á við stærðfræðileg verkefni með opnum og jákvæðum huga
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.