Skýr tjáningarmáti er lykilatriði við að koma á framfæri óskum sínum og áformum. Hann er stór þáttur í samskiptum og velfarnaði hverrar manneskju. Með aukinni tjáningarhæfni verða nemendur læsari á kosti sína og galla í framsögn og framkomu.
Í áfanganum er fjallað um mikilvægi færni í samskiptum og þess að geta tjáð sig á markvissan hátt. Nemendur eru gerðir meðvitaðir um áhrif framkomu sinnar og tjáningar á umhverfi og fólk. Nemendur læra aðferðir til að efla með sér örugga jákvæða framkomu, tjáningu og uppbyggileg samskipti.
Engar
Nemandi skal hafa öðlast þekkingu og skilning á:
áhrifum eigin líkams- og raddbeitingar á umhverfi og fólk.
áhrifum eigin hugarástands á samskipti við aðra einstaklinga.
miklvægi öruggrar raddbeitingar og áhrifum hennar.
aðferðum til að flytja texta þannig að merking og innihald skili sér til áheyrenda.
aðferðum til að efla með sér hæfni til frásagnar.
mikilvægi þess að geta undirbúið og flutt stutt ávarp.
aðferðum til að meta eigin frammistöðu og framkomu.
aðferðum til að meta frammistöðu og framkomu annarra.
aðferðum til skýrrar tjáningar.
mikilvægi radd-, trausts-, og slökunaræfingar til að búa sig undir að koma fram opinberlega.
Nemandi skal hafa öðlast leikni í að:
beita rödd sinni á markvissan hátt.
tala máli sínu.
skoða áhrif eigin líkamstjáningar á fólk og umhverfi.
skoða áhrif líkamstjáningar annarra á fólk og umhverfi.
skoða ólíkar persónur við mismunandi aðstæður.
lýsa ólíkum persónum, túlka tilfinningar þeirra og skilgreina.
meta á uppbyggilegan hátt eigin frammistöðu og annarra.
nýta sér slökunaræfingar til að fyrirbyggja kvíða.
Nemandi skal geta hagnýtt þá almennu þekkingu og leikni sem hann hefur aflað sér til að:
geta halda erindi, sagt markvisst frá og haldið styttri fyrirlestra sem metið er með stuttum verklegum æfingum.
koma skoðunum sínum markvisst á framfæri sem er metið með stuttum verklegum æfingum.
færa rök fyrir máli sínu á uppbyggilegan hátt sem er metið með stuttum verklegum æfingum.
skilja áhrif eigin framkomu á fólk og umhverfi gera sér grein fyrir mikilvægi jákvæðrar endurgjafar í samkiptum sem er metið með framlagi nemenda í hópavinnu.
gera sér grein fyrir mikilvægi skýrrar framsagnar og tjáningar sem er metið með verklegum æfingum.
þróa með sér umburðarlyndi gagnvart öðru fólki og umhverfi sem metið er með framlagi í hópavinnu og verklegum æfingum.
Námsmat byggir á símati, verkefnaskilum og ástundun. Nemendur vinna stuttar verklegar æfingar. Hópverkefni sem og einstaklingsverkefni sem metin verða jafnóðum.