Í áfanganum er lögð áhersla á tjáningu, lestur texta, ritun og undirstöðuatriði enskrar málfræði með það fyrir augum að byggja upp virkan og hagnýtan orðaforða. Einnig er hugtakið menningarlæsi kynnt með umburðarlyndi gagnvart öðrum menningarheimum í huga. Lesnir verða valdir rauntextar, auk þess sem nemandinn les valin skáldverk. Skriflegi þátturinn er þjálfaður með fjölbreyttum æfingum með sérstaka áherslu á formlega ritgerðarsmíð þar sem unnið er með upplýsingar sem nemendur afla sér, t.d. á Internetinu. Nemandinn á að tileinka sér munnlega tjáningu á ensku og er honum leiðbeint í kennslustundum þar sem öll tjáskipti fara fram á ensku.
Að hafa lokið grunnskóla með fullnægjandi hætti að mati skólans.
Nemandi skal hafa öðlast þekkingu og skilning á:
helstu einkennum enskrar menningar og tungu
menningu og tungu í enskumælandi samfélögum
almennum málfræðireglum
sérkennum ritmáls og talmáls
Nemandi skal hafa öðlast leikni í að:
beita almennum málfræðireglum í ræðu og riti
nota orðabók og viðeigandi hjálpargögn
tjá kunnáttu sína munnlega og skriflega
lesa og greina bókmenntatexta
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig í ræðu og riti á ensku
verða sjálfbjarga í upplýsingaöflun á ensku
geta aflað sér upplýsinga um ensk málsamfélög
lesa sér til gagns og gamans
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.