Áhersla er lögð á að nemandinn verði vel læs á flóknari texta en í undanförum og geti tjáð hugsun sína skýrt og rökstutt hana í ræðu og riti. Áhersla er lögð á lestur texta með það fyrir augum að byggja upp virkan og hagnýtan orðaforða. Nemandinn vinnur sjálfstætt að viðameiri ritunarverkefnum svo sem rökfærsluritgerð eftir hefðbundinni uppsetningu og kynningum á þematengdu efni sem fela í sér öflun upplýsinga á bókasafni og af neti. Lestur og túlkun bókmenntaverka.
ENSK2LS05 eða sambærilegur áfangi á 2. þrepi.
Nemandi skal hafa öðlast þekkingu og skilning á:
helstu menningarsvæðum þar sem enska er notuð sem móðurmál eða fyrsta mál
orðaforða til markvissrar notkunar í námi
túlkun bókmenntaverka
rithefðum sem við eiga í textasmíð, m.a. um inngang með efnisyrðingu, meginmál með vel afmörkuðum efnisgreinum og niðurlag
dýpri merkingu texta
Nemandi skal hafa öðlast leikni í að:
lesa margs konar texta, bæði fræðilega og bókmenntalega, sér til gagns og ánægju
beita þeim lestraraðferðum sem við eiga eftir gerð texta eða viðfangsefnis
tjá sig skýrt, munnlega og skriflega, um málefni sem hann hefur kynnt sér
rita rökfærsluritgerð samkvæmt hefðbundnum aðferðum
Nemandi skal geta hagnýtt þá almennu þekkingu og leikni sem hann hefur aflað sér til að:
skilja daglegt mál, fjölmiðlaefni, inntak erinda, fræðigreinar og annað flóknara efni
taka þátt í skoðanaskiptum, færa rök fyrir máli sínu og svara gagnrýni á viðeigandi hátt
eiga frumkvæði í samræðum og bregðast við óundirbúnum spurningum og athugasemdum
tjá sig á skýran og áheyrilegan hátt fyrir áheyrendum
skrifa margs konar texta og fylgja þeim rithefðum sem við eiga í textasmíð, m.a. um inngang með efnisyrðingu, meginmál með vel afmörkuðum efnisgreinum og niðurlagi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.