Það kom upp villa senda inn  Áfangi

    Áfangi Nánari upplýsingar


    Búið til: 1423835307.26

    Ritun og málnotkun
    ÍSLE2HS05(AV)
    28
    íslenska
    heimildavinna, málnotkun, ritun, setningafræði
    Samþykkt af skóla
    2
    5
    AV
    Í þessum áfanga er unnið með grundvallarhugtök ritunar og málnotkunar. Auk þess verður farið í meðferð og notkun hjálpargagna og heimilda í tengslum við ritgerðarsmíð. Fjallað verður um mismunandi birtingarform texta eftir miðlum og skrifaðar ólíkar gerðir ritsmíða, m.a. heimilda- og rökfærsluritgerðir þar sem nemendur hafa ákveðið val um viðfangsefni. Unnið með grunnhugtök í málfræði, setningafræði og stafsetningu og mismunandi málsnið og stílbrögð í tengslum við ritun. Nemendur vinna og kynna munnlega eigin verkefni, hver fyrir sig og/eða með öðrum. Áhersla á fjölbreytt og skapandi verkefni sem reyna á sjálfstæð vinnubrögð og mismunandi hæfni nemenda, auka víðsýni og gagnrýna hugsun.
    ÍSLE1FL05 eða fullnægjandi árangur úr grunnskóla að mati skólans.
    Nemandi skal hafa öðlast þekkingu og skilning á:
    • helstu hugtökum í ritgerðasmíð
    • orðaforða sem nægir til að skilja íslenskt nútímamál í ræðu og riti
    • uppbyggingu rökfærsluritgerða
    • málfræðihugtökum og ritreglum sem nýtast í tal- og ritmáli
    • notkun hjálpargagna og heimilda og mati á gildi heimilda
    • uppsetningu og frágangi heimilda
    Nemandi skal hafa öðlast leikni í að:
    • rita rökfærsluritgerðir sem krefjast gagnrýninnar hugsunar
    • nota hjálpargögn við frágang ritsmíða
    • nota heimildir af ýmsu tagi og flétta efni þeirra saman við eigin viðhorf og ályktanir á heiðarlegan hátt
    • nota algeng stílbrögð í tal- og ritmáli
    • flytja munnlega efni af ýmsu tagi og ræða eigin niðurstöður og annarra með málefnalegum hætti
    • beita málfræðihugtökum og nota málfræðilegar upplýsingar til að efla eigin málfærni
    Nemandi skal geta hagnýtt þá almennu þekkingu og leikni sem hann hefur aflað sér til að:
    • nýta málfræðilegar upplýsingar til að efla eigin málfærni
    • byggja upp skýra röksemdafærslu, tjá afstöðu og efasemdir um efnið og komast að niðurstöðu
    • taka þátt í málefnalegum umræðum
    • styrkja eigin málfærni, t.d. með því að nýta handbækur um málfar og málfræði
    • sýna töluverð tilbrigði í málnotkun
    • beita skýru, vönduðu og blæbrigðaríku máli í ræðu og riti
    • vinna skapandi verkefni í tengslum við námsefnið
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.