rannsóknarvinna, rými, tvívíð skissuvinna, þrívíð vinna
Samþykkt af skóla
3
5
AV
Í áfanganum vinnur nemandinn með hugtökin rými, tvívídd, þrívídd, ljós, skuggi og
myndbygging auk annarra hugtaka sem tengjast skúlptúrum og þrívíðum verkum.
Leitast verður við að tengja aðferðir textíla og þrívíða vinnu og að nemendur skoði
hvernig koma má tvívíðum skissum í þrívítt form. Unnið verður með ýmis efni s.s.
garn, ullarflóka, vír, léreft, pappír o.fl. Nemandinn heldur utan um skissur,
hugmyndir, prufur og þróunarvinnu sína og setur fram með skipulögðum hætti.
HÖTE2ET10, HÖTE2PH05, HÖTE2VE06
Nemandi skal hafa öðlast þekkingu og skilning á:
hinum ýmsu aðferðum, sérkennum og einkennum á þrívíðri vinnu og hugsun
myndbyggingu og hvaða gildi/þýðingu hún hefur í þrívíðri hugsun/vinnu
mismunandi textílþráðum og textílefnum og möguleikum þeirra við gerð tvívíðra og þrívíðra verka
samfélagslegu, menningarlegu og efnahagslegu gildi þrívíðrar textílvinnu
þeim áhöldum, vinnutækjum og því vinnuumhverfi sem tengjast þrívíðri vinnu með ýmsum efnivið
aðferða- og hugmyndafræði ýmissa listamanna og hönnuða sem vinna að þrívíðri listsköpun
Nemandi skal hafa öðlast leikni í að:
beita skapandi aðferðum, tækni og verklagi til að koma tvívíðri hugmynd yfir í þrívítt sköpunar og/eða textílverk
nota aðferðir textílvinnu og ýmsar gerðir efna við útfærslu ólíkra þrívíðra verka
vinna frístandandi skúlptúr og beita mismunandi aðferðum, efnisnotkun og tækni
vinna lágmynd á vegg með mismunandi aðferðum, efnisnotkun og tækni
beita mismunandi aðferðum og tækni í tilraunum og skissugerð
beita aðferðum rannóknarvinnu sem gagnast í hugmyndavinnu, framsetningu verkefna og skipulagningu á verkferli og útfærslu verka sinna
Nemandi skal geta hagnýtt þá almennu þekkingu og leikni sem hann hefur aflað sér til að:
miðla þekkingu á fagsviði sínu á fjölbreytilegan hátt: munnlega, skriflega, verklega og/eða með nýmiðlum
sýna áræðni og frumkvæði við útfærslu í þrívíðri vinnu
nýta sér sköpun, ímyndunarafl, innsæi og tilfinningar við þróun hugmynda, skissuvinnu og úrvinnslu
greina, tjá sig um og meta eigin verk og annarra af nokkurri þekkingu, víðsýni og umburðarlyndi
taka þátt í samvinnu með sameiginleg markmið hópsins að leiðarljósi
skilja mikilvægi þrívíðrar hugsunar og hönnunar í samfélaginu, fagurfræðilegu gildi slíkrar menntunar og hagnýtingu hennar
fjalla um og rökstyðja verk sín m.t.t. efnisnotkunar, tækni og framsetningar og setja það/þau í menningarlegt og samfélagslegt samhengi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.