Í þessum áfanga er tölvutæknin notuð til þess að færa bókhald eftir fylgiskjölum sem nemandi hefur raðað í möppu á kerfisbundinn hátt. Áhersla er lögð á að nemandinn öðlist skilning á hvernig fjárhagsbókhald sækir upplýsingar í birgðabókhald, viðskiptamannabókhald, sölubókhald og launabókhald. Nemandinn lærir hvernig bókhaldslykill er skipulagður og settur upp. Kynntir eru möguleikar á ítarlegri skýrslugerð ásamt túlkun og greiningu upplýsinga. Nemandinn kynnist mikilvægi upplýsingakerfa fyrir stjórnendur í nútíma viðskiptaumhverfi þar sem nákvæmar upplýsingar nýtast þeim til ákvarðanatöku við rekstur fyrirtækis. Lögð er áhersla á sjálfstæð vinnubrögð nemenda.
BÓKF1DH05
Nemandi skal hafa öðlast þekkingu og skilning á:
röðun og varðveislu fylgiskjala
uppsetningu og skipulagi bókhaldslykla í tölvubókhaldi
Nemandi skal hafa öðlast leikni í að:
færa stafrænt bókhald eftir fylgiskjölum
vinna með dagbókar- og uppgjörsfærslur
gera upp bókhald lítils fyrirtækis á eigin spýtur
Nemandi skal geta hagnýtt þá almennu þekkingu og leikni sem hann hefur aflað sér til að:
útbúa launaseðla og skilaskýrslur sem varða laun og virðisaukaskatt
nýta upplýsingakerfi til markvissrar upplýsingaöflunar
greina og túlka upplýsingar úr tölvubókhaldi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.