Í áfanganum fá nemendur yfirlit yfir helstu efnisþætti lífrænnar efnafræði og lífefnafræði. Sérkenni lífrænna efna eru skoðuð, fjallað er um helstu flokka lífrænna efna, nafnakerfi og helstu efnahvörf. Þrír meginflokkar lífefna er til umfjöllunar, þ.e. sykrur, fitur og prótein. Áfanginn byggir að hluta á verklegum æfingum og verkefnum sem nemendur vinna undir leiðsögn kennara.
Nemendur þurfa að hafa lokið 5 feiningum á 2. þrepi í efnafræði og líffræði.
Nemandi skal hafa öðlast þekkingu og skilning á:
sp3-, sp2- og sp-svigrúmablöndun kolefnis
einkennum helstu flokka lífrænna efna
nafnakerfi lífrænna efna (IUPAC)
helstu efnahvörfum lífrænna efna
hugtakinu hendið (ósamhverft) kolefni
byggingu og helstu eiginleika sykra, lípíða og amínósýra
Nemandi skal hafa öðlast leikni í að:
gefa lífrænum efnum nöfn út frá byggingarformúlum
teikna byggingarformúlur lífrænna efna út frá gefnum nöfnum
teikna mismunandi rúmísómerur lífrænna efna
framkvæma verklegar æfingar í lífrænni efnafræði með leiðsögn
Nemandi skal geta hagnýtt þá almennu þekkingu og leikni sem hann hefur aflað sér til að:
lesa úr og túlka niðurstöður verklegra æfinga og yfirfæra á bókleg atriði í lífrænni efnafræði
yfirfæra bóklega þekkingu í lífrænni efnafræði á hluti í daglegu lífi
Skýrslur og skilaverkefni úr verklegum æfingum. Hlutapróf sem nemendur leysa í kennslustund og heimaverkefni. Lokapróf.