Viðfangsefni áfangans er upphaf og orsakir kalda stríðsins í Evrópu við lok seinni heimsstyrjaldarinnar. Leitast er við að nemendur öðlist dýpri skilning á því hvernig stórveldin fóru frá því að vera nánir bandamenn gegn nasismanum í að verða hatrammir andstæðingar. Tímabilið sem áfanginn tekur til er 1945 – 1991 og verða menning, stjórnarfar og samfélag Bandaríkjanna og Sovétríkjanna tekin til rækilegrar skoðunar. Einnig verður nokkuð litið til Austur- og Vestur Evrópu, Afríku og Asíu.
Nemandi skal hafa öðlast þekkingu og skilning á:
áhrifum kynhlutverka og stéttskiptingar á líf fólks á tímum kalda stríðsins
helstu atburðum úr kalda stríðinu sem vísað er til í samtímanum
helstu hugtökum, kenningum og viðfangsefnum kalda stríðsins
hlutverki og mikilvægi sjálfbærni í sögu kalda stríðsins
meginstiklum í tækni-, vísinda- og atvinnuþróun Bandaríkjanna og Sovétríkjanna
mismunandi hugmyndum og framkvæmd á bandarísku stjórnkerfi, kostum þeirra og göllum
mismunandi hugmyndum og framkvæmd á sovésku stjórnkerfi, kostum þeirra og göllum
mismunandi sjónarhornum á samfélagsleg gildi og siðferði í Bandaríkjunum
mismunandi sjónarhornum á samfélagsleg gildi og siðferði í Sovétríkjunum
örlögum og sögu Afríku, Asíu á tímum kalda stríðsins
örlögum og sögu Vestur- og Austur Evrópu á tímum kalda stríðsins
Nemandi skal hafa öðlast leikni í að:
greina fjölbreytt orsakasamhengi
leita sér að gagnlegum heimildum
rannsaka afmörkuð söguleg efni
setja fram söguleg viðfangsefni á skýran, aðgengilegan og fjölbreyttan hátt
skrifa texta sem byggja á ítarlegri heimildaöflun og úrvinnslu gagna
sýna sjálfstæði og sköpun í verkefnavali og verkefnaúrlausnum
taka þátt í umræðum og verja rökstudda afstöðu sína
vinna að verkefnum með samnemendum
Nemandi skal geta hagnýtt þá almennu þekkingu og leikni sem hann hefur aflað sér til að:
lesa heimildir um kalda stríðið á gagnrýninn hátt
meta umfjöllun um kalda stríðið í nútímamiðlum
taka frumkvæði í þekkingaröflun og verkefnavali og nálgast þau á faglegan hátt
taka siðferðislega afstöðu til mismunandi atburða og örsaka þeirra í kalda stríðinu
taka þátt í málefnalegum umræðum og rökræðum um sögu og samfélög mismunandi landa
útskýra bandarísk og sovésk viðhorf og hugmyndir um ýmis málefni tengd kalda stríðinu
Tímaverkefni, valverkefni með frjálsu sniði, framsaga og kaflapróf