Bókmenntir og bókmenntasaga tímabilsins 1550-1900 er viðfangsefni þessa áfanga. Nemendur kynnast helstu straumum og stefnum á tímabilinu og lesa skáldverk sem tengjast því. Lögð er áhersla á tengsl samfélags og bókmennta. Nemendur lesa ljóð og laust mál og fara ítarlega í bragfræði. Þeir vinna fjölbreytt skrifleg og munnleg verkefni.
10 einingar í íslensku á 2. þrepi.
Nemandi skal hafa öðlast þekkingu og skilning á:
hugtökum í bragfræði.
stefnum og straumum í bókmenntum á tímabilinu.
ritgerðasmíð og heimildavinnu.
Nemandi skal hafa öðlast leikni í að:
túlka ljóð og lýsa þeim með bragfræðihugtökum.
lýsa einkennum texta og tengja þá við stefnur á tímabilinu.
vinna með öðrum nemendum í hóp að lausn ýmiss konar verkefna.
meta eigið vinnuframlag sem og annarra.
flytja fyrirlestra, lýsingar og kynningar í tengslum við námsefnið.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna að skapandi verkefnum í tengslum við námsefnið í ræðu og riti.
setja fram skoðanir sínar í ræðu og riti og rökstyðja þær.
velja sér viðfangsefni og kjósa viðeigandi framsetningarmáta fyrir það.