Áfanginn er grunnáfangi í efnafræði. Helstu viðfangsefni eru efna- og eðliseiginleikar efna, mælingar og meðferð talna, bygging atóma, frumefni, efnasambönd, jónir, læsi á lotukerfið og efnatengi. Helstu gerðir efnahvarfa, læsi á efnajöfnur og mikil áhersla á magnbundna útreikninga. Hugtökin mól og styrkir efna í lausnum, samband hita, þrýstings og rúmmáls fyrir gastegundir. Með samræðu er lögð áhersla á að tengja námsefnið reynsluheimi nemanda, auka víðsýni hans og beita rökhugsun.
Að hafa lokið stærðfræði í grunnskóla með fullnægjandi hætti að mati skólans
Nemandi skal hafa öðlast þekkingu og skilning á:
grunnhugtökum í efnafræði
byggingu atóma og lotukerfinu
byggingu sameinda og gerð efnatengja
mólum og mólmassareikningum
mismunandi efnahvörfum
ástandsjöfnu gastegunda
Nemandi skal hafa öðlast leikni í að:
nota grunnhugtök í efnafræði
reikna reynsluformúlu efna, atómmassa, fjölda öreinda í atómi o.fl.
nota rafdrægni til að skilgreina efnatengi
rita nafn og formúlu ólífrænna efna
reikna út mól, massa og mólmassa
reikna út magnbundna þætti efnahvarfa
reikna út þrýsting, rúmmál, mól og hita í kjörgasi
Nemandi skal geta hagnýtt þá almennu þekkingu og leikni sem hann hefur aflað sér til að:
nýta lotukerfið m.a. til að finna og útskýra eiginleika frumefna og jóna
nýta þekkingu úr öðrum greinum við verkefnalausnir í efnafræði
meta hvort niðurstöður útreikninga og mælinga séu raunhæfar
tengja efnafræðina við daglegt líf fólks og umhverfi og sjá notagildi hennar
nýta þekkingu á efnajöfnum og mólhugtakinu til þess að útskýra magnbundna þætti efnahvarfa
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.