Í áfanganum er farið í grunnatriði lífrænnar efnafræði, þ.e. efnafræði kolefnis. Farið er yfir eðlis- og efnaeiginleika, skautun, byggingu, IUPAC-nafnakerfi og helstu flokka lífrænna efna. Einnig er farið yfir tengi lífrænna sameinda, hendni þeirra og helstu efnahvörf lífrænna efna. Skoðuð eru mettuð og ómettuð kolvetni sem og ýmsar gerðir alkana og aromata. Dregið eru upp samhengi helstu flokka s.s. alkohóla, aldehyda, ketona, lífrænnna sýra og sýruafleiða. Kynning á nitursamböndum, sykrum, fitu og próteinum. Áhersla er lögð á tengingu við umhverfi og reynsluheim nemenda með samræðu.
EFNA2ME05 eða sambærilegur áfangi
Nemandi skal hafa öðlast þekkingu og skilning á:
lögun, tengjum og svigrúmablöndun lífrænna sameinda
áhrifum skautunar og lögunar á eiginleika sameinda
helstu reglum IUPAC-nafnakerfisins
helstu flokkum lífrænna efna, einkennum þeirra og byggingu
helstu efnahvörfum lífrænna efna
hendni lífrænna sameinda
helstu byggingareinkennum og skilgreiningum sykra, lípíða og próteina
Nemandi skal hafa öðlast leikni í að:
nota flokkun og nafnakerfi lífrænna efna
teikna mismunandi ísomerur eins og rúmísómerur og byggingarísómerur
rita helstu efnahvörf lífrænna efna
skoða svigrúmablöndun kolefnis í mismunandi efnasamböndum
skoða lögun sameinda og segja til um skautun þeirra
teikna byggingaformúlur og skoða eiginleika fjöltengja
teikna uppbyggingu lífefna í flokkunum: prótein, sykrur, lípíð
miðla upplýsingum til samnemenda
Nemandi skal geta hagnýtt þá almennu þekkingu og leikni sem hann hefur aflað sér til að:
nýta þekkingu á skautun og lögun til að spá fyrir um eðlis- og efnaeiginleika lífrænna efna
meta út frá byggingaformúlu eða nafni hvaða flokki lífrænna efna sameindin tilheyrir
rökstyðja út frá byggingaformúlu eða nafni efnahvörf sameindarinnar
tengja saman lífræna efnafræði og aðrar náttúrufræðigreinar
nýta sér fræðilegan texta og gögn á markvissan hátt
útskýra viðfangsefni áfangans
taka þátt í rökræðum er lúta að málefnum sem tengjast efnafræði
tengja efnafræðina við daglegt líf og umhverfi og sjá notagildi hennar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.