Í áfanganum er fjallað um gaslögmálið, varmafræði efna, gangfræði í tveimur víddum ásamt hringhreyfingu og sveiflu- og bylgjuhreyfingu. Í verkefnavinnu áfangans er lögð áhersla á nákvæmni í útreikningum, framsetningu, röksemdafærslu og notkun formúlna. Eins og í fyrri áfanga er lögð áhersla á að nemandinn geri tilraunir þar sem hann kynnist lögmálum eðlisfræðinnar af eigin raun og skrifi skýrslu um þær. Áhersla er lögð á tengingu við umhverfi og reynsluheim nemenda sem og sjálfstæð og vönduð vinnubrögð.
EÐLI2AO05 eða sambærilegur áfangi á 2. þrepi
Nemandi skal hafa öðlast þekkingu og skilning á:
lögmálum Charles, Boyle og Gay-Lussacs, ásamt lögmáli Daltons um eðalgös
hreyfingum agna í tvívíðu-rúmi
miðsóknarhraða og hröðun, ásamt miðsóknarkrafti agna í hringhreyfingu
jarðmiðjukenningunni , sólmiðjukenningunni , lögmáli Keplers um sporbauga, lögmáli Newtons um þyngdaraflið og þyngdarfastakenningunni
hegðun og sveiflum massa í fjaðrandi miðlum ásamt grunnskilning á eigintíðni
breytingum á stöðu-og hreyfiorku, ásamt hugtökum um skriðþunga.
einföldum bylgjuhreyfingum og ljósgeislafræði
Nemandi skal hafa öðlast leikni í að:
reikna þrýstings-, hita- og rúmmálsbreytingu eðalgastegundar
reikna hreyfingar agna í tvívíðu-rúmi
reikna hreyfingum agna í hringhreyfingu
reikna mismunandi þyngdarsvið og sporbrautir
reikna einföld dæmi um sveifluhreyfingar og bylgjuhreyfingar
beita lögmálum og jöfnum við að leysa verkefni af ýmsu tagi
lesa fræðilegan texta sem tengist viðfangsefnum áfangans
Nemandi skal geta hagnýtt þá almennu þekkingu og leikni sem hann hefur aflað sér til að:
framkvæma verklegar æfingar, vinna úr þeim, meta og útskýra niðurstöður þeirra
nýta námsefni og gögn á markvissan hátt
nýta margvíslegar aðferðir til að leysa fjölbreytt viðfangsefni einn eða í samstarfi við aðra
greina, hagnýta og meta upplýsingar í margskonar formi (töluðu, rituðu og/eða myndrænu)
yfirfæra þekkingu úr öðrum greinum (s.s. stærðfræði og efnafræði) við lausn verkefna
tengja eðlisfræðina við daglegt líf og umhverfi og gera sér grein fyrir notagildi hennar
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.