Í áfanganum er lagður grunnur að framhaldsskólastærðfræði á 2. þrepi með því að fara í undirstöður reikniaðgerða, almenn brot, bókstafareikning, jöfnur og veldi, hlutföll og vaxtareikning, hnitakerfið og jöfnu beinnar línu. Nemandinn beitir þekkingu sinni við lausn flóknari dæma en áður. Lögð er áhersla á að nemandinn þjálfist í skipulögðum vinnubrögðum, nákvæmni í framsetningu við lausn verkefna og röksemdarfærslu.
Fara eftir inntökuskilyrðum skólans hverju sinni.
Nemandi skal hafa öðlast þekkingu og skilning á:
reikniaðgerðum
reglum um forgangsröðun aðgerða
reikningi með almennum brotum
bókstafareikningi
einföldum veldareikningi
tvívíðu hnitakerfi
liðnun, þáttun og uppsettum og óuppsettum jöfnum
prósentu- og hlutfallareikningi
Nemandi skal hafa öðlast leikni í að:
beita undirstöðuatriðum talna- og bókstafareiknings, s.s. röð aðgerða, liðun og þáttun
leysa fyrsta stigs jöfnur með einni og tveimur óþekktum stærðum og að einangra eina stærð úr jöfnu með mörgum óþekktum stærðum
teikna graf beinnar línu í hnitakerfi, finna hallatölu og skurðpunkta við ása hnitakerfisins og skurðpunkta tveggja lína
finna jöfnur lína sem eru samsíða gefinni línu eða hornréttar á hana
reikna hlutföll og prósentur s.s. við útreikning á virðisaukaskatti, samsettum prósentum, vaxtareikning og vaxtavaxta
Nemandi skal geta hagnýtt þá almennu þekkingu og leikni sem hann hefur aflað sér til að:
rökræða um stærðfræðileg viðfangsefni við aðra
setja úrlausnir sínar fram skriflega á skiljanlegan og snyrtilegan hátt
þýða margs konar verkefni á stærðfræðimál og setja þau upp sem jöfnu eða annað stærðfræðilegt viðfangsefni
meta hvort svör eru raunhæf
skilja merkingu helstu stærðfræðitákna og hugtaka í námsefninu
vinna sjálfstætt með aðferðir í stærðfræði
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.