Áfram er unnið að aukinni færni nemenda í lesskilningi, tali, frásögn, hlustun og ritun, þar sem fléttað er inn í kennsluna menningu spænskumælandi landa. Ný málfræðiatriði eru þjálfuð, nemendur læra að tjá sig um liðna atburði. Orðaforði er aukinn, nemendur læra að tjá sig um almenn atriði daglegs lífs: tómstundir, áhugamál og skoðanir.
5 feiningar á 1. þrepi í spænsku.
Nemandi skal hafa öðlast þekkingu og skilning á:
orðaforða sem tengist daglegum athöfnum og samskiptum
öllum helstu reglum um framburð tungumálsins
grunnatriðum málfræðinnar og málnotkunar
útbreiðslu tungumálsins, samskiptavenjum og siðum mismunandi spænskumælandi þjóða
Nemandi skal hafa öðlast leikni í að:
skilja einfaldar setningar, spurningar og upplýsingar sem tengjast daglegum athöfnum og einnig meginefni í einföldum, skýrum skilaboðum og tilkynningum
lesa og skilja einfalda texta
tjá sig á einfaldan hátt um daglegar athafnir sínar bæði í nútíð og þátíð
skrifa einfalda texta um kunnugleg málefni
Nemandi skal geta hagnýtt þá almennu þekkingu og leikni sem hann hefur aflað sér til að:
greina einfaldar upplýsingar um kunnugleg málefni í mæltu og rituðu máli
taka þátt í samræðum um kunnugleg málefni og beita viðeigandi málsniði í samskiptum
miðla efni sem hann hefur kynnt sér
Námsmatið endurspeglar þjálfun færniþátta í kennslu. Framfarir nemenda eru stöðugt metnar og tekið er tillit til allra færniþáttanna fjögurra: lesturs, hlustunar, tals og ritunar. Mat felst í verkefnum, munnlegum og skriflegum prófum.