Fjallað er um mannréttindi og lýðræði að fornu og nýju. Sagan er rakin í grófum dráttum frá klassískri fornöld til nútímans með áherslu á mannréttindabaráttu síðustu alda. Mannnréttindabarátta 20. aldar verður könnuð sérstaklega og má þar nefna stofnun Sameinuðu þjóðanna og samþykkt mannréttindayfirlýsingarinnar. Þá verða mannréttindi sem birtast m.a. í stjórnarskrá Íslands skoðuð m.t.t. umræðu í nútímanum um mannréttindi og meint brot á þeim gagnvart ýmsum hópum og einstaklingum á Íslandi. Gerð verður grein fyrir alþjóðlegum mannréttindasamningum og sáttmálum sem Ísland á aðild að og ljósi varpað á orðræðu nútímans um mannréttindi og skort á þeim bæði hér á landi og vítt og breitt um heiminn. Áhersla á að tengja námsefnið reynsluheimi nemanda, auka víðsýni hans og rökhugsun og sjálfstæð og öguð vinnubrögð. Nemandinn þjálfast í heimildavinnu- og rýni af ýmsu tagi.
Að hafa lokið 10 einingum í samfélagsgreinum eða sambærilegum greinum
Nemandi skal hafa öðlast þekkingu og skilning á:
grundvallarhugtökum eins og náttúrurétti, borgararétti, lýðræði, þegnskyldu og samfélagsvitund
upphafi og þróun lýðræðis- og mannréttindahugmynda meðal fornþjóða
tengslum mannréttinda nútímans við hugmyndir upplýsingaaldar
helstu manréttindafrömuðum síðustu áratuga, baráttu þeirra og áhrifum
helstu mannréttindasáttmálum sem Ísland á aðild að
orðræðu samtímans um mannréttindi og lýðræði vítt og breitt um heiminn
Nemandi skal hafa öðlast leikni í að:
lesa fræðilega texta á íslensku og ensku um efni áfangans
nota veraldarvefinn og bókasafn til að afla sér dýpri fræðilegrar þekkingar á ýmsum efnisþáttum áfangans
ræða og rita um lýðræðis- og mannréttindamál af víðsýni og kunnáttu
beita sjálfstæðum vinnubrögðum við öflun heimilda og úrvinnslu þeirra
miðla þekkingu sinni um efni áfangans til annrarra með fjölbreyttum hætti
Nemandi skal geta hagnýtt þá almennu þekkingu og leikni sem hann hefur aflað sér til að:
vera virkur og ábyrgur borgari í lýðræðislegu samfélagi
taka þátt í rökræðum og skoðanaskiptum við aðra um samfélagsleg málefni af fordómaleysi og víðsýni
skilja betur samfélag sitt og geta sett sig í spor annarra sem búa við lakari kjör
sýna þroskaða siðferðisvitund og virðingu í samskiptum við aðra og gagnvart samfélaginu
beita gagnrýninni hugsun á samfélagsleg álitaefni
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.