Í áfanganum er fjallað um tómstundastarf, félagsmál og viðburði. Lögð er áhersla á að nemandinn kynnist fjölbreyttu starfi sem viðkemur skipulagningu hverskonar viðburða og tómstundastarfs. Kynntar eru helstu gerðir áætlana s.s. fjárhags- og aðgerðaráætlanir ásamt lögum og reglum sem gilda hverju sinni um viðburði og tómstunda- og félagsmálastarf. Nemandinn fær kynningu á tækni sem nýtist við viðburði og skýrslugerð. Með öflugu tómstunda- og félagsmálastarfi er lagður grunnur að menningar- og uppeldishlutverki sem getur skapað tækifæri og þekkingu. Tómstundir og félagsmál þarf að miða við samfélagið og þær breytingar sem verða á því hverju sinni. Gott félagslíf og tómstundir stuðla að forvörnum og því er mikilvægt að miða undirbúning og þátttöku að skemmtun án vímuefna. Í góðu félags-og tómstundastarfi er lagður grunnur að góðu samfélagi, samvinnu, rökhugsun, ábyrgð og víðsýni.
engar
Nemandi skal hafa öðlast þekkingu og skilning á:
grunnskipulagi á stjórnun og skipulagi viðburða í tómstundastarfi og félagslífi
rannsóknarstarfi á eftirspurn og áhuga viðburða
áætlanagerð
fjárhagsáætlunum og aðgerðaáætlunum
viðburðastjórnun þar sem lög og reglur eru virtar
uppbyggilegu tómstundastarfi þar sem forvarnir eru hafðar að leiðarljósi
viðburðastjórnun sem skaðar ekki umhverfi og hefur ekki slæm áhrif á samfélagið
tækjum og tækni sem þarf til þess að halda viðburð
skýrslugerð þar sem mat er lagt á hvernig tókst að framkvæma viðkomandi viðburð
samningagerð
Nemandi skal hafa öðlast leikni í að:
nota skipulag sem byggt hefur verið í kringum viðburði
stýra viðburðum í sátt og samlyndi við umhverfið
gera áætlanir sem þarf fyrir viðburði
skoða hvaða lög og reglur gilda hverju sinni
hafa yfirsýn yfir verkefni sem þarf að leysa í félagsmála-og tómstundastarfi
vera mótttækilegur fyrir breytingum sem verða í samfélaginu og miða tómstundastarf við það
miðla áfram þekkingu sem fengist hefur
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja smærri viðburði
fá tilskilin leyfi fyrir viðburðum
gera samninga og fjárhagsáætlanir eða aðrar áætlanir fyrir viðburði og tómstundastarf
vinna úr rannsóknargögnum á tómstundum
vera opinn fyrir hugmyndum og nýta sér nýjungar
beita grundvallaratriðum forvarna
meta eigið vinnuframlag og annarra á gagnrýninn hátt
setja fram þekkingu sína í ræðu og riti
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.