Í þessum áfanga er farið í boltaíþróttir. Farið er yfir grunnatriði helstu boltaíþrótta og hvernig hægt er að nýta sér boltaíþróttir sem líkamsþjálfun. Einnig er farið í hvernig boltaleikir geta styrkt einstaklinginn sem félagsveru og hvernig styrkleikar hvers og eins nýtast til að búa til góða liðsheild. Í áfanganum er megináhersla lögð á að nemendur fái tilfinningu fyrir áhrifum hreyfingar á líðan sína, andlega og líkamlega. Farið er í gegnum æfingar sem þjálfa upp styrk og þol.
engar
Nemandi skal hafa öðlast þekkingu og skilning á:
reglum boltaíþrótta
hvernig boltaíþróttir geta nýst einstaklingum sem líkamsþjálfun
æskilegum aðferðum til þjálfunar líkamans
Nemandi skal hafa öðlast leikni í að:
stunda fjölbreyttar boltaíþróttir
einbeita sér að æfingum tímans
stunda líkams- og heilsurækt
Nemandi skal geta hagnýtt þá almennu þekkingu og leikni sem hann hefur aflað sér til að:
stunda boltaíþróttir sér til heilsubótar
taka þátt í boltaíþróttum með leikfræði og reglur að leiðarljósi
tileinka sér þætti boltaíþrótta sem snúa að hópsamvinnu og nýta þá í leik og starfi
stunda reglulega, fjölbreytta hreyfingu eftir áhuga
stunda líkamsrækt í nánasta umhverfi
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.