Þemaverkefni í tengslum við frekara nám á háskólastigi, þjálfun í ritun og tjáningu á ensku
Samþykkt af skóla
3
5
Markmið áfangans er að nemendur vinni kerfisbundið að undirbúningi fyrirhugaðs náms á háskólastigi. Gert er ráð fyrir að nemendur velji sér námsgrein þá, er mestar líkur eru á að þeir, hver og einn, muni nema á háskólastigi og vinni markvisst með fagið í gegnum áfangann. Nemendur vinna með þá tækni og þau vinnubrögð sem kennd hafa verið í fyrri áföngum og það er ætlast til að þeir skili verkefnum af ýmsu tagi í tengslum við umfjöllunarefnið; þá vinna þeir með rannsóknir og greinar sem tengjast faginu, tileinka sér orðaforða innan fagsins þannig að þeir verði færir um að fræða aðra um fagið í ræðu og riti. Einnig er unnið með bókmenntaverk sem tengjast ákveðnum málsvæðum og/eða sögulegum viðburðum í sögu enskunnar. Í tengslum við bókmenntalið áfangans er lögð áhersla á að nemendur vinni sérstaklega með ritun og tjáningu.
Áfanginn er sniðinn sérstaklega að hverri braut skólans og því er áherslumunur á áfanganum á milli brauta.
ENSK3SD05
Nemandi skal hafa öðlast þekkingu og skilning á:
þeim verkferlum sem nauðsynlegir eru til þess að öðlast sérþekkingu í ákveðnu fagi
fjölbreyttum orðaforða til að geta tjáð skoðanir sínar og rökstutt þær í daglegu lífi og í tengslum við sérhæfingu
sérhæfðri þekkingu sem nýtist í starfi og/eða til undirbúnings fyrir frekara nám
þekkingu sem tengist því að vera virkur og ábyrgur borgari í samfélagi sérhæfingar
orðaforða og þekkingu í ensku sem nýtist til frekara náms eða í tengslum við sérhæfingu, krefjist hún þess
Nemandi skal hafa öðlast leikni í að:
bera kennsl á og nýta sér sérþekkingu er tengist áhugasviði og/eða hverju því viðfangsefni sem hann kýs að vinna með
tjá sig á skýran, gagnrýninn og skapandi hátt á ensku um sérhæfða þekkingu sína
skipuleggja vinnuferli, beita viðeigandi tækni og aðferðum sérhæfingar á ábyrgan hátt
sýna frumkvæði og sjálfstæði í vinnubrögðum við að leita lausna innan sérhæfingar
taka ábyrgan þátt í samræðum um sérhæfða þekkingu sína
Nemandi skal geta hagnýtt þá almennu þekkingu og leikni sem hann hefur aflað sér til að:
tjá skoðanir sínar og skýra verklag tengt skilgreindu starfsumhverfi á ábyrgan, gagnrýninn og skýran hátt
tjá sig á ensku, sé þess krafist í starfi eða vegna frekara náms
beita siðferðilegri ábyrgð í skapandi starfi
nýti þekkingu sína til að greina ný tækifæri í umhverfinu
takast á við frekara nám
Námsmat er útfært í kennsluáætlum í samræmi við skólanámskrá