Nútímamenning, upphaf, þróun og staða nútímamenningar, sérstaklega vestrænnar menningar. Hugtakið menning og upphaf mannsins. Upphaf menningar fornaldar, sérstaklega þeirra ríkja sem liggja nærri Miðjarðarhafi. Helstu áherslupunktar eru fyrstu menningarríkin, Mesópótamía, fornmenning Egypta, blómatímabil Forn-Grikkja, Rómaveldi, gyðingdómur, upphaf kristinnar trúar og þróun hennar. Megináherslan er þó ekki á fornaldarmenningu sem slíka, heldur á tengsl hennar við vestræna menningu í dag. Ólíkir þættir nútímamenningar geta verið teknir fyrir, s.s. listir almennt, leiklist, höggmyndalist, byggingarlist, málaralist, ólík fræði, s.s. raunvísindi, hugvísindi og tungumál, trúarhugmyndir og goðsögur og bókmenntaverk.
SAGA2FR05 og SAGA2MN05
Nemandi skal hafa öðlast þekkingu og skilning á:
aðgreiningu menningarhugtaksins í hlutlæga og huglæga menningu
aðgreiningu í leifar og frásagnir
helstu forsendum borgarmenningar
upphafi mannsins og tengsl við aðrar lífverur
ólíkum sviðum menningar og tengsl þeirra við upphaf sitt
framlagi ólíkra menningarheilda til nútímamenningar
menningarframlagi ólíkra menningarsvæða
Nemandi skal hafa öðlast leikni í að:
leggja gagnrýnið mat á menningarhugtakið hvað varðar svokallaða lág- og hámenningu
leita heimilda varðandi ólíkar menningarheildir
meta fjarlæg og nálæg samfélög með menningarlegum samanburði
afla upplýsinga, greina þær og setja í fræðilegt samhengi
meta menningarframlag ólíkra menningarsvæða til skilnings á nútímasamfélagi
nýta fræðilegan texta á íslensku og erlendu tungumáli
miðla skýrt og skilmerkilega fræðilegu efni í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
bera saman ólíkar menningarheildir
yfirfæra þekkingu sína á einu sviði yfir á annað
meta menningarframlag ólíkra menningarsvæða á hlutlægan hátt
álykta út frá einu sviði menningar yfir á annað án þess að fá bein fyrirmæli um hvernig það skuli gert